قىتايدىڭ مەملەكەتتىك Twitter اككاۋنتىندا اۋستراليا سولداتى اۋعان بالاسىن ءولتىرىپ جاتقان فوتو جاريالاندى. اۋستراليا قىتايدان جالعان فوتونى جاريالاعان ءۇشىن كەشىرىم سۇراۋدى تالاپ ەتتى.
اۋستراليانىڭ پرەمەر-مينيسترى سكوتت مورريسون تەلەارناعا بەرگەن سۇحباتىندا بەيجىڭ جالعان اقپارات تاراتقانى ءۇشىن ۇيالۋ كەرەك ەكەنىن ايتتى.
سكوتت مورريسون
قاراشانىڭ باسىندا 2009 بەن 2013 جىلدار ارالىعىندا 25 اۋستراليالىق سولدات 39 اۋعان ازاماتىن ولتىرگەنى انىقتالعان. بۇل اقپارات حالىق اراسىندا تارالىپ، حالىقتىڭ اشۋىن كەلتىردى. ءقازىر ءىستىڭ ءمان-جايىن پوليسيا تەكسەرىپ جاتىر.
دۇيسەنبىدە قىتايدىڭ سىرتقى ىستەر مينيسترلىگىنىڭ باسپا ءسوز حاتشىسى ليجيان زاو جاساندى فوتونى جاريالادى. وندا اۋستراليا سولداتى قانعا بويالعان پىشاقپەن بالانى ۇستاپ تۇر. بالا لاقتى قۇشاقتاپ تۇر.
اۋستراليانىڭ راديو كورپوراسياسى اۋستراليالىق اسكەريلەر ەكى اۋعان ءجاسوسپىرىمدى پىشاقپەن ولتىرگەنى تۋرالى اقپارات تەك بولجامعا نەگىزدەلگەن دالەلدەنبەگەن اقپارات ەكەنىن جەتكىزدى.
جۇڭگو تاراتقان فوتونىڭ استىنا "اۋستراليا ساربازىنىڭ اۋعان ازاماتىن ءولتىرىپ جاتقانىن كورىپ جاعامىزدى ۇستادىق. ولاردىڭ بۇل ارەكەتىن اشكەرەلەپ، جاۋاپقا تارتۋىمىز قاجەت" دەپ جازىلعان.
اۋستراليا پرەمەر-مينيسترى مورريسون قىتايدىڭ الەۋمەتتىك جەلىدە جاريالاعان جازباسىن "جيىركەنىشتى، نامىسقا تيەتىن جانە ەرسى" ەكەنىن ايتىپ، Twitter-دەن جازبانى ءوشىرۋدى تالاپ ەتتى.
پىكىر قالدىرۋ