قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي نۇرسۇلتان نازاربايەۆ قورى جانە الەمدىك ەكونوميكا جانە ساياسات ينستيتۋتى بىرلەسە وتىرىپ حالىقارالىق قاۋىپسىزدىك جانە جاھاندىق يادرولىق ديالوگتى قايتا باستاۋ ماسەلەلەرى بويىنشا حالىقارالىق ونلاين كونفەرەنسياسىن وتكىزدى. كونفەرەنسياسىنىڭ نەگىزگى سپيكەرى نازاربايەۆ دا ۆيدەوۇندەۋ جاسادى ءىس-شاراعا قاتىسۋشىلارعا بەينەۇندەۋ جاسادى.
– قازاقستان پرەزيدەنتى بولا وتىرىپ، سانالى تۇردە مەن ءوزىمنىڭ سىرتقى ساياسي قىزمەتىمنىڭ ەداۋىر بولىگىن يادرولىق قارۋدان ازات الەمگە قول جەتكىزۋ يدەياسىنا ارنادىم،- دەپ باستادى ءسوزىن نازاربايەۆ.
بۇدان ءارى ەلباسى قازاقستاننىڭ وسى باعىتتاعى ۇلەسىن، اتاپ ايتقاندا "تاۋەلسىزدىككە قول جەتكىزە وتىرىپ، قازاقستان عالامشارداعى قۋاتى بويىنشا ءتورتىنشى يادرولىق قارۋ ارسەنالىنان ءوز ەركىمەن باس تارتقانىنا" توقتالدى.
– سىزدەر مەن سياقتى جاپپاي قىرىپ-جوياتىن قارۋسىز الەمگە ۇمتىلۋ يدەياسىن ءسوزسىز قولدايتىن تانىمال ساياساتكەرلەر مەن بەدەلدى ساراپشىلارسىز. ارينە، بۇل جول وڭاي بولمايدى جانە مۇندا ايتارلىقتاي كەدەرگىلەر بار.
تەودور رۋزۆەلت ايتقانداي: "
ءسىز قولىڭىزدان كەلەتىنىنە سەنسەڭىز، ماقساتقا جەتەلەگەن جولدىڭ جارتىسىنا جەتتىڭىز". وسىعان وراي، يادرولىق قاۋىپسىزدىك پەن يادرولىق قارۋدان ازات الەم ءۇشىن جاھاندىق كوشباسشىلار اليانسىن قۇرۋ تۋرالى مەنىڭ باستامامدى قولداعاندارىڭىز ءۇشىن سىزدەرگە ريزاشىلىعىمدى بىلدىرەمىن.
بۇگىن ءبىز قابىلداعان اشىق ۇندەۋ - بۇل باعىتتاعى العاشقى پراكتيكالىق قادام بولىپ تابىلادى،- دەدى ول ءسوز سوڭىندا.
پىكىر قالدىرۋ