قازاقستاننىڭ ەكس-پرەزيدەنتى نۇرسۇلتان نازاربايەۆ Qazaqstan تەلەارناسىندا كورسەتىلەتىن "تۇركىستان: كونە مەن كەلەشەك كوپىرى" فيلمىندە ەل استاناسىن تۇركىستانعا كوشىرۋ مۇمكىن دەگەن قاۋەسەتتىڭ نەگىزى جوق ەكەنىن ايتتى.

جۋرناليست نازاربايەۆتان سوڭعى كەزدە الەۋمەتتىك جەلىلەردە ەل استاناسىن تۇركىستانعا كوشىرۋ مۇمكىن دەپ تاراتىلىپ جۇرگەن قاۋەسەتتىڭ نەگىزى بار-جوعىن سۇرادى.

– ونىڭ نەگىزى جوق. ءبىراق ولاي ايتۋدىڭ ءجونى بار عوي ەندى. اسىرەسە سول جاقتا تۇراتىن، تۇركىستاننىڭ جاعدايىن بىلەتىن ادامدار سولاي دەپ ويلايتىن شىعار. ارينە، تاريحى وتە ۇلكەن. قوجا احمەت ياساۋي مۇسىلماندىقتى وسى جەرگە ۋاعىزداعان. بۇل تۇرىك دۇنيەسىنىڭ، تۇركى تەكتەس ادامداردىڭ مۇسىلمان دىنىنە ۇلاستى. ادامداردىڭ تۇركىستاندى سىيلايتىنى، جاقسى كورەتىنى سوندىقتان. اسىرەسە تۇركيادان ءبارىنىڭ كەلگىسى كەلەدى، كورگىسى كەلەدى. سول سەبەپتى ەل استاناسى بولسا دەگەن ويلارى بار شىعار، – دەدى ول.

نۇرسۇلتان نازاربايەۆ قازىرگى استانا نۇرسۇلتان قالاسىن ءارى قاراي دامىتاتىنىن اتاپ ايتتى.

– ءارى قاراي مىنا استانامىزدى ۇلعايتامىز. 200 مىڭداي ادامى بار بۇرىنعى اقمولا ءقازىر ءبىر ميلليون 200 مىڭى بار شاھار بولدى. نۇرسۇلتان دەگەن ات بولدى. مەن ءوزىم مۇنى ۇسىنعان جوقپىن. ءبىراق قارسى دا بولمادىم. سەبەبى ءاربىر استانانىڭ ءاربىر تاسى، ءتۇرى، عيماراتى مەنىڭ نۇسقاۋىممەن، مەنىڭ قاتىناسۋىممەن سالىندى. سوندىقتان ءبىز ءوزىمىزدىڭ وسى نۇرسۇلتان قالاسىن دامىتامىز، – دەدى ەكس-پرەزيدەنت.