شىعىس قازاقستان وبلىسى كوروناۆيرۋستىڭ تارالۋى بويىنشا "سارى" ايماققا كىردى. بۇل تۋرالى وبلىس اكىمى دانيال احمەتوۆ ءوزىنىڭ Facebook پاراقشاسىندا جازدى.
– ورتاق كۇش-جىگەرىمىزدىڭ جانە شقو تۇرعىندارىنىڭ جوعارى جاۋاپكەرشىلىگىنىڭ ارقاسىندا ءبىز COVID-19 ينفەكسياسىنىڭ تارالۋ دەڭگەيىن تومەندەتە الدىق. بۇگىندە ايماقتا كوروناۆيرۋستىڭ كوبەيۋ كوەففيسيەنتى باسەڭدەدى. قاراشانىڭ باسىمەن سالىستىرعاندا رەپرودۋكتيۆتى R سانى 1،85-تەن 0،84-كە دەيىن، ال توسەك قورىنىڭ قامتىلۋ پايىزى 31،1-دەن 14،5-كە دەيىن تومەندەدى. ۆيرۋس جۇقتىرعاندار سانى 7 قاراشادا 353 ادام بولسا، كەشە 73 قۇرادى، – دەيدى ول.
ونىڭ ايتۋىنشا، شقو كوروناۆيرۋس ينفەكسياسىنىڭ تارالۋى بويىنشا "قىزىل" ايماقتان شىعارىلدى.
– ءبىز كوروناۆيرۋستىڭ "سارى ايماعىنا" كىردىك. بۇل قولدانىستاعى شەكتەۋلەرگە ءبىرقاتار جەڭىلدىكتەر ەنگىزۋگە مۇمكىندىك بەرەدى. الايدا ىندەتتەن ازىرگە ۆاكسينا جوق، سوندىقتان كۆي-دەن ەڭ سەنىمدى قورعانىس – ساقتىق شارالارى مەن الەۋمەتتىك قاشىقتىق بولىپ قالا بەرمەك. ءبىزدىڭ قازىرگى باستى مىندەتىمىز – سىرقاتتىڭ وسۋىنە جول بەرمەۋ، ەمدەۋ مەكەمەلەرىنىڭ تيىمدىلىگىن ارتتىرۋ جانە حالىقتىڭ دەنساۋلىعىن ساقتاۋدى قامتاماسىز ەتۋ. ءوزىڭىز بەن جاقىنىڭىزعا قورعان بولىڭىز، – دەپ جازدى دانيال احمەتوۆ.
پىكىر قالدىرۋ