بۇگىن ءماجىلىس سپيكەرى نۇرلان ءنىعماتۋليننىڭ توراعالىعىمەن پالاتانىڭ جالپى وتىرىس ءوتىپ، ءبىرقاتار زاڭ جوبالارى ماقۇلداندى.
اتاپ ايتقاندا، دەپۋتتاردىڭ باستاماسىمەن ازىرلەنگەن جول ءجۇرىسى ماسەلەلەرىنە قاتىستى زاڭ جوباسى ءبىرىنشى وقىلىمدا ماقۇلداندى.
ءماجىلىس ءتوراعاسى نۇرلان نىعماتۋلين اتاپ وتكەندەي، زاڭ جوباسىندا جۇرگىزۋشى كۋالىگى جانە كولىك قۇرالىن تىركەۋ تۋرالى قۇجاتتى جۇرگىزۋشىنىڭ وزىمەن بىرگە الىپ جۇرۋگە مىندەتتەيتىن نورمالاردى الىپ تاستاۋ كوزدەلدى.
نۇرلان ءنىعماتۋليننىڭ پىكىرىنشە، قازىرگى اقپاراتتىق تەحنولوگيالار كەڭىنەن دامىعان سيرفلىق كەزەڭدە جۇرگىزۋشىلەردەن ءتيىستى قۇجاتتاردى تالاپ ەتۋ، ول – قاجەتسىز.
سەبەبى، پوليسيا جۇرگىزۋشى مەن ونىڭ كولىك قۇرالى تۋرالى بارلىق قاجەتتى اقپاراتتى جەكە كۋالىك نەگىزىندە ەلەكتروندىق مالىمەتتەر قورىنان تابا الادى.
ايتا كەتۋ كەرەك، تۇزەتۋلەر شەتەلدىك جۇرگىزۋشىلەر مەن شەتەلدىك كولىك قۇرالدارىنا قولدانىلمايدى.
پىكىر قالدىرۋ