اباي اتىنداعى قازاق ۇلتتىق پەداگوگيكالىق ۋنيۆەرسيتەتىندەگى «ۇلى دالا تۇلعالارى» ورتالىعى 2020 جىلعى 30 قاراشادا  قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان «ەلى سۇيگەن، ەلىن سۇيگەن ەلباسى» اتتى ءىس-شارا وتكىزدى.

ءىس-شاراعا عالىمدار، بەلگىلى قوعام قايراتكەرلەرى، جاس عالىمدار، دوكتورانتتار، وتاندىق وقۋ ورىندارىنىڭ ماگيسترانتتارى، ستۋدەنتتەرى جانە قازاقتىڭ جەتەكشى ءبىلىم ورداسى – ءال-فارابي اتىنداعى قازاق ۇلتتىق ۋنيۆەرسيتەتىنىڭ ۇستازدارى: بەگالييەۆا ا.ك.، تويعانبەكوۆا م.،يدريسوۆا گ.ا.، نارالييەۆا ر.ت. قاتىستى.

ازاماتتىق-پاتريوتتىق شارانى مودەراتور اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ عىلىم جانە سيفرلاندىرۋ جۇمىسى جونىندەگى پرورەكتورى، فيزيكا-ماتەماتيكا عىلىمدارىنىڭ دوكتورى سايابەك ساحييەۆ قۋانىشبەك ۇلى جۇرگىزدى.

«تاۋەلسىزدىكتىڭ جەتى قىرى» اتتى دەرەكتى فيلم كورسەتىلىپ، وندا ق ر ۇعا اكادەميگى، تاريح عىلىمدارىنىڭ دوكتورى، پروفەسسور ح.م. ءابجانوۆ «تاريحتى جاسايتىن ءۇش قۇدىرەت بار: ول – حالىق، ول – حالىقتان شىققان تۇلعا، ول – بيلىك»، – دەسە، ءوزى مىنبەگە شىعىپ سويلەگەن سوزىندە ەلىمىزدىڭ ءبىرىنشى پرەزيدەنتى   ن.ءا. نازاربايەۆتىڭ دۇنيە جۇزىندەگى الىپ مەملەكەتتەرمەن دە قارىم-قاتىناس جاساۋعا قول جەتكىزگەنىن اتاپ ءوتتى.

ر.سۇلەيمەنوۆ اتىنداعى شىعىستانۋ ينستيتۋتىنىڭ ديرەكتورى، فيلولوگيا عىلىمدارىنىڭ دوكتورى، پروفەسسور داۋلەتحان ءماسىمحان ۇلى قازاقستان تاۋەلسىزدىك العاننان كەيىن تاريحي وتانعا ورالۋعا جول اشىلعانىن، ءوزى كەلگەن 20 جىلداي ۋاقىتتا قازاقستان عىلىمدا ءبىراز جەتىستىككە جەتكەنىن ايتىپ، ەلباسىنىڭ تاريحي تۇلعاسىن جوعارى باعالادى.

ازاماتتىق-پاتريوتتىق شارا بارىسىندا دارىسكەر ق ر تۇڭعىش پرەزيدەنتى نۇرسۇلتان ءابىش ۇلى نازاربايەۆ مەملەكەتتىڭ بىرلىگىن، كونستيتۋسياسىن، ادام مەن ادامزاتتىڭ قۇقىقتارىن جانە بوستاندىقتارىن قورعاۋدى قامتاماسىز ەتكەنى، جاڭا تاۋەلسىز مەملەكەتتىڭ نەگىزىن قالاۋشى ەكەنى جانە نۇر-سۇلتان قالاسىنىڭ سالىنۋىنا مۇرىندىق بولعانى ەشقانداي داۋ تۋدىرمايتىنى انىق ەكەندىگىن اتاپ كورسەتتى. بۇل شارا تۋرالى تولىق مالىمەتتى www.http/kaznu.kz سايتىنان تانىسا الاسىزدار.

از عانا مەرزىمدە قوس قۇرلىقتىڭ اراسىنداعى ۇلان-بايتاق كەڭىستىكتە بابادان قالعان قونىستى تۇگەل يەمدەنىپ قالدىق، اڭساعان ازاتتىققا قان توكپەي بەيبىت جولمەن جەتتىك.

بۇرىنعى كسرو ەلىنىڭ كەڭىستىگىندە قۇرىلعان تمد مەملەكەتتەرىنىڭ ىشىندە حالىقتار دوستاستىعىنا، تولەرانتتىققا باسىمدىلىق بەرىلگەن پاراساتتى ساياساتتىڭ ارقاسىندا وتىز جىلعا جۋىق ۋاقىت ىشىندە ۇلتارازدىقتى، ءدىنارازدىعىن قوزدىرماي، ۋشىقتىرماي كوك اسپاننىڭ استىندا كوك تۋىن جەلبىرەتىپ، بەيبىت ءومىر ءسۇرىپ جاتقانىمىزدا بيلىكتىڭ، ق ر تۇڭعىش پرەزيدەنتىنىڭ، ەلىمىزدىڭ تيتۋلدى ۇلتى – قازاق حالقىنىڭ كەڭپەيىلدىلى ەكەنى تۋرالى الەم باسپا ءسوز قۇرالدارىندا از ايتىلىپ جاتقان جوق.  

قازاقستان تاۋەلسىزدىك العان تۇستا ۇلت تاريحىنداعى جاڭا ءداۋىر ءدال وسى 1 جەلتوقسان كۇنىنەن باستالعان بولاتىن. ويتكەنى، اتا-بابامىزدىڭ عاسىرلار بويى اسىل ارمانى بولىپ كەلگەن تاۋەلسىز  قازاق مەملەكەتىن قۇرۋ جونىندەگى تاريحي اماناتى 1991 جىلعى 1 جەلتوقساندا ورىندالىپ، ءدال سول كۇنى نۇرسۇلتان ءابىش ۇلى نازاربايەۆ ەگەمەن قازاق ەلىنىڭ تۇڭعىش پرەزيدەنتى بولىپ سايلانعان ەدى.

ءدارىستىڭ سوڭىندا «كوك تۋدىڭ جەلبىرەگەنى» ءانى ورىندالدى. قوناقتارعا ورتالىق ديرەكتورى ساياسي عىلىمدارىنىڭ دوكتورى گ.ر. نۋرىمبەتوۆا «ۇلى دالا تۇلعالارى» ورتالىعى شىعارعان كىتاپتاردى سىيعا تارتتى. 

تۇڭعىش پرەزيدەنت كۇنىنە ارنالعان ءدارىس جاستاردىڭ تاريحي تانىمىن، قوعامدىق ساناسىن قالىپتاستىراتىنداي دارەجەدە ءوتتى.

 ا.ك. بەگالييەۆا، ر.ت. نارالييەۆا،

 ءال-فارابي اتىنداعى قازۇۋ-دىڭ اعا وقىتۋشىلارى

ف.م. شامشەدينوۆا،

قازاق ۇلتتىق قىزدار ۋنيۆەرسيتەتىىڭ دوسەنتى