جەلتوقساندا ءسىبىر انتيسيكلونى كۇشەيەدى. اۋا تەمپەراتۋراسى تومەندەيدى، دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساپ.

كاسپييدىڭ شىعىس جاعالاۋىندا اۋانىڭ ورتاشا ايلىق تەمپەراتۋراسى 1°س-قا دەيىن، وڭتۇستىك-باتىستان جانە وڭتۇستىكتەن 0 -5°س-قا، سولتۇستىك پەن شىعىسقا قاراي -13-18°س-قا دەيىن تومەندەيدى. ەڭ تومەنگى ورتاشا ايلىق اۋا تەمپەراتۋرا شىعىس قازاقستان وبلىسىنىڭ سولتۇستىك-شىعىسىندا -20-24°س دەيىن تومەندەيدى.

قازاقستاننىڭ سولتۇستىگىندە جاۋىن-شاشىن مولشەرى ازايادى، ال وڭتۇستىكتە، كەرىسىنشە، ۇلعايادى جانە وڭتۇستىك، وڭتۇستىك-شىعىستىڭ تاۋلى ايماقتارىندا 25-50 مم، شىعىس پەن وڭتۇستىكتىڭ تاۋلى ايماقتارىندا 51-200 مم (مەتەورولوگيالىق باقىلاۋلاردىڭ بارلىق كەزەڭى بويىنشا)، باتىستا 32 مم-گە دەيىن، رەسپۋبليكانىڭ سولتۇستىك جانە ورتالىعىندا 10-24 مم قۇرايدى.

سولتۇستىك اۋماقتاردا قار ءجيى جاۋىپ، ال جاڭبىر سيرەك جاۋادى (10 جىلدا 2-3 رەت بولىپ تۇرادى). وڭتۇستىك وبلىستاردا جاڭبىر ايىنا 1-4 رەت، قار ارالاس جاڭبىر ايىنا 1-3 رەت جاۋادى.

جەلتوقساننىڭ باسىندا جانە سوڭىندا رەسپۋبليكانىڭ سولتۇستىك، ورتالىق جانە شىعىسىندا قار جاۋادى. اۋا تەمپەراتۋراسى تۇندە -23-28°س، كۇندىز -12-20°س بولادى. ءبىراق اۋا تەمپەراتۋراسى قايتا جىليدى. تەمپەراتۋرا تۇندە -13-23°س دەيىن، كۇندىز -5-13°س دەيىن جىلىنادى دەپ بولجانۋدى.

ەلىمىزدىڭ باتىسىندا جاۋىن-شاشىنسىز اۋا رايى كۇتىلەدى. اۋا تەمپەراتۋراسى تۇندە -15-25°س، كۇندىز -7-15°س شاماسىندا بولادى. ءبىراق فرونتالدى بولىكتەردىڭ وتۋىنە بايلانىستى قار جاۋىپ، جەل كۇشەيەدى، اۋا تەمپەراتۋراسى تۇندە -9-15°س، كۇندىز 0، -5°س-قا دەيىن كوتەرىلەدى. قازاقستاننىڭ وڭتۇستىك-باتىسىندا تۇندە -2-10°س-تان -8-16°س دەيىن، كۇندىز -2+3°س-تان -3-8°س-قا دەيىن تەمپەراتۋرانىڭ اۋىتقۋى بولجانۋدى.

رەسپۋبليكانىڭ وڭتۇستىگى مەن وڭتۇستىك-شىعىسىندا ايدىڭ باسىندا جانە سوڭىندا اۋا رايى جاۋىندى بولادى. تاۋ جانە تاۋ بوكتەرىندە جاڭبىر جاۋادى، تۇمان، كوكتايعاق جانە جەل كۇشەيۋى مۇمكىن. اۋا تەمپەراتۋراسى تۇندە -5-13°س-تان  -10-20°س-قا دەيىن، كۇندىز -5+5°س-تان -8-13°س-قا دەيىن تومەندەيدى.

رەسپۋبليكانىڭ سولتۇستىك، شىعىس جانە ورتالىق وڭىرلەرىندە جەلتوقساننىڭ ورتاسىندا اۋا تەمپەراتۋراسى تۇندە -22-30°س-قا دەيىن، كۇندىز -10-18°س-قا دەيىن تومەندەيدى.

قازاقستاننىڭ باتىسىندا اۋا تەمپەراتۋراسى تۇندە -10-18°س، كۇندىز -5-13°س-قا دەيىن تومەندەيدى؛

ەلدىڭ وڭتۇستىك بولىگىندە اۋا تەمپەراتۋراسى تۇندە -10-20°س-قا دەيىن، كۇندىز -5-13°س-قا دەيىن تومەندەيدى.

ايدىڭ سوڭىندا قازاقستاننىڭ بارلىق وڭىرىندە كۇن جىلىنادى.