نۇر-سۇلتان قالاسىندا قازاقستاننىڭ مەملەكەتتىك حاتشىسى قىرىمبەك كوشەربايەۆتىڭ توراعالىعىمەن ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ ءبىرىنشى وتىرىسى ءوتتى. بۇل تۋرالى اقوردا سايتى حابارلادى.

بيىل 24 قاراشادا مەملەكەت باسشىسى قاسىم-جومارت توقايەۆ "ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا تۋرالى" جارلىققا قول قويعان بولاتىن.

مەملەكەتتىك حاتشىنىڭ ايتۋىنشا، مەملەكەتتىك كوميسسيانىڭ باستى مىندەتى – كەڭەستىك كەزەڭدەگى ساياسي قۋعىن-سۇرگىن قۇرباندارىنىڭ بارلىق ساناتتارىنا قاتىستى تاريحي ادىلەتتىلىكتى تولىق قالپىنا كەلتىرۋ.

ماتەريالدارعا جان-جاقتى ءارى كەشەندى زەردەلەۋ جۇرگىزگەننەن كەيىن، حالىقارالىق تاسىلدەر مەن ستاندارتتار نەگىزىندە تولىقتاي زاڭدى، ال جەكەلەگەن ساناتتارعا قاتىستى – قۋعىن-سۇرگىن قۇرباندارىن ساياسي اقتاۋ جوسپارلانىپ وتىر.

وتىرىس بارىسىندا مەملەكەتتىك كوميسسيانىڭ قىزمەتىن ۇيىمداستىرۋدىڭ مىندەتتەرى مەن نەگىزگى ساتتەرى، ونىڭ 2020-2021 جىلدارعا ارنالعان جۇمىس جوسپارى، قۋعىن-سۇرگىن قۇرباندارىنىڭ ءتۇرلى توپتارىن اقتاۋ جونىندەگى قىزمەتتى ءادىسنامالىق قامتاماسىز ەتۋ ماسەلەلەرى قارالدى.

قۋعىن-سۇرگىنگە ۇشىراعان ءار ءتۇرلى توپتاردى اقتاۋ باعىتتارىن پىسىقتاۋ ءۇشىن ارنايى جۇمىس توپتارىن قۇرۋ ۇسىنىلدى.  

وتىرىس سوڭىندا قىرىمبەك كوشەربايەۆ مۇددەلى مەملەكەتتىك جانە جەرگىلىكتى اتقارۋشى ورگاندارعا ءبىرقاتار تاپسىرما بەردى.