اقش پرەزيدەنتى سايلاۋىندا رەسپۋبليكاشىل دونالد ترامپپەن باسەكەگە ءتۇسىپ، جەڭىسكە جەتكەن دەموكرات دجو بايدەن CNN-گە بەرگەن سۇحباتىندا رەسەيگە، يرانعا، قىتايعا جانە باسقا ەلدەرگە قاتىستى "كوپجاقتى كوزقاراس" جوسپارلارى تۋرالى مالىمدەدى.
– ءبىز يرانمەن عانا ەمەس، رەسەيمەن، قىتايمەن جانە باسقالارمەن كۇرەسۋ ءۇشىن ۇلكەن توپتىڭ ءبىر بولىگى بولۋىمىز كەرەك، – دەدى ساياساتكەر.
سونىمەن بىرگە، بايدەن قىزمەتكە كىرىسپەس بۇرىن اقش ساياساتىنا تۇجىرىمداما جاساي المايتىنىن ايتتى.
– ءبىراق مەن ەۋروپادا دا، ءۇندى جانە تىنىق مۇحيتى ايماعىندا دا وداقتاستىقتىڭ تىعىز قارىم-قاتىناسىن قالپىنا كەلتىرگىم كەلەدى، – دەدى دجوزەف بايدەن.
دەموكراتتىڭ ايتۋىنشا، ونى ەۋروپالىق وداقپەن "كۇردەلى كەلىسسوزدەر" كۇتىپ تۇر.
اقش-تا پرەزيدەنت سايلاۋى 3 قاراشادا ءوتتى. دەموكراتيالىق كانديدات دجو بايدەن الدىن الا مالىمەتتەر بويىنشا 306 شتاتتان 270 داۋىس جينادى. قازىرگى پرەزيدەنت دونالد ترامپ جەڭىلىستى مويىنداماي، ونى ءبىرقاتار مەملەكەتتەردىڭ سوتتارىندا داۋلاپ ءجۇر.
پىكىر قالدىرۋ