تايۆان قىتايمەن سوعىسۋدىڭ مۇمكىندىگىن جوققا شىعارمايتىنىن مويىنداي وتىرىپ، بەيجىڭنىڭ سوعىسقا دايىندالىپ جاتقانىن ايتتى.
تايۆان سىرتقى ىستەر ءمينيسترى شىعىس الپاۋىت ەل "اسكەري شابۋىل جاسايدى" دەگەن قاۋىپتەن كەيىن تايۆان قىتايمەن سوعىسۋدى "جوققا شىعارا المايدى" دەپ مالىمدەدى.
ABC TV-گە بەرگەن سۇحباتىندا مينيستر دجوزەف ۆۋ قىتايدى اسكەري ەكسپانسيا ءۇشىن ايىپتادى جانە ايماقتاعى قاقتىعىستاردىڭ ءقاۋپى "بۇرىنعىدان جوعارى" ەكەنىن ەسكەرتتى.
ول "ارينە، مەن سوعىس كەلەسى جىلى بولادى دەپ بولجاي المايمىن. ەگەر ءسىز جۇڭگو تاراپىنىڭ دايىندىعىنا كوز جۇگىرتسەڭىز، قىتايدىڭ تايۆانعا قارسى اسكەري شابۋىل جاساۋىنىڭ شىنايى بولاشاعى تۋرالى قاتتى الاڭداۋىمىز كەرەك. ال مەن شەشىم قابىلداۋشى رەتىندە ايتا الامىن، ءبىز وعان ءسال قارامايمىز" دەدى.
جۇڭگو تايۆاندى بولاشاق پروۆينسيا رەتىندە قاراستىرادى.
ءبىراق تايۆاننىڭ كوپتەگەن ازاماتتارى وزدەرىن قىتايلىقتاردان بولەك، تايۆاندىقتارمىز دەپ سانايدى.
تايۆان سىرتقى ىستەر ءمينيسترى جاپونيا، اۆستراليا، ءۇندىستان جانە اقش سياقتى ەلدەر قىتايدىڭ ەكسپانسياسىنىڭ الدىن الۋ ءۇشىن جۇمىس ىستەي الاتىنىنا سەنەدى.
اقش قىتايعا قاتىستى قاتاڭ ۇستانىم كورسەتتى جانە تايۆانمەن بىرنەشە ميلليارد دوللارلىق قارۋ-جاراق كەلىسىمشارتتارى جاسالدى.
بۇل جۇڭگو ءتوراعاسى سي ءسزينپيننىڭ اشۋلى جاۋابىنا سەبەپ بولدى.
ول اسكەري بازاداعى اسكەرلەرگە "بارلىق اقىل-ويلارى مەن كۇشتەرىن سوعىسقا دايىندىققا جۇمساۋدى" بۇيىردى.
وتكەن ايدا اقش تەڭىز جاياۋ اسكەرلەرى 1979 جىلدان بەرى العاش رەت تايۆاندا جاتتىعۋ جاسادى.
قىتايدىڭ سىرتقى ىستەر مينيسترلىگىنىڭ وكىلى چجاو ليسزيان ۆاشينگتوننىڭ تايۆانعا قارۋ-جاراق ساتۋىنا "ۇزىلدى-كەسىلدى قارسى" ەكەنىن جانە "قاتاڭ تۇردە ايىپتايتىنىن" مالىمدەدى.
پىكىر قالدىرۋ