اقمولا وبلىسىنىڭ باس سانيتار دارىگەرى "اقمولا وبلىسىنىڭ اۋماعىندا كارانتين شارالارىن ودان ءارى كۇشەيتۋ تۋرالى" 2020 جىلعى 26 قاراشاداعى №224 قاۋلىسىنا وزگەرىستەر مەن تولىقتىرۋلار ەنگىزدى.

قاۋلىعا سايكەس:

– ازىق-تۇلىك، ءبىرىنشى كەزەكتە قاجەتتى تاۋارلار، دارى-دارمەك جانە مەديسينا بۇيىمدارىن ساتىپ الۋ؛

– شۇعىل جاعداي بويىنشا مەديسينا مەكەمەسىنە بارۋدى قوسپاعاندا، بارلىق تۇرعىندارعا، اسىرەسە 65 جاستان اسقان ادامدارعا اسا قاجەتتى سەبەپتەرسىز ۇيلەرىنەن ساعات 21:00-دەن 06:00-گە دەيىن شىقپاۋ ۇسىنىلادى.

سانيتار بەكەتتەرىنەن (جول پاراقتارىن، جۇمىس ناريادتارىن، جوسپار–تاپسىرمالاردى، تاۋار جۇكقۇجاتتارىن، ءىسساپار قۇجاتتارىن، مەديسينا مەكەمەلەرىنىڭ جولدامالارىن، رەداكسيالىق تاپسىرمالاردى، سونداي-اق جەكە كۋالىكتەرىن كورسەتكەن كەزدە) مىنا تۇلعالارعا كەدەرگىسىز كىرۋگە/شىعۋعا رۇقسات ەتىلەدى:

– مەديسينا كورسەتكىشتەرى بويىنشا كىرەتىن جانە شىعاتىن ادامدار؛

– ترانزيتتىك جولاۋشىلار مەن جۇك تاسىمالداۋشىلارى؛

– ۆاحتا قىزمەتكەرلەرىن تاسىمالدايتىن كولىك قۇرالدارى؛

– COVID-19 تارالۋىنىڭ الدىن الۋ جونىندەگى ءىس-شارالارىنا تارتىلعان كولىكتەر مەن ادامدار، ۇيىمدار؛

– تىرشىلىكتى قامتاماسىز ەتەتىن كاسىپورىندار (ونىڭ ىشىندە جابدىقتاردى باپتاۋ بويىنشا سەرۆيستىك قىزمەت كورسەتۋدى قامتاماسىز ەتەتىن كاسىپورىندار)، كولىكتەر مەن ادامدار، ۇيىمدار؛

– STOPCORONA.KZ سايتىندا تىركەلگەن، قوسىمشا پتر ادىسىمەن COVID-19-عا تەستىلەۋدىڭ تەرىس ناتيجەسى بار، ونى العان ساتتەن باستاپ 30 تاۋلىكتەن اسپاعان انىقتاما بولعان جاعدايدا اقمولا وبلىسىندا تۇرمايتىن ادامدار، تاماق ونىمدەرىن وندىرۋشىلەر مەن اۋىل شارۋاشىلىعى تاۋار وندىرۋشىلەرى، كولىكتەر مەن ادامدار؛

– وسى ەلدى مەكەندە تىركەلگەن جاعدايدا، تۇراقتى تۇراتىن جەرىنە قايتىپ كەلەتىن كوكشەتاۋ جانە ستەپنوگورسك قالالارىنىڭ تۇرعىندارى؛

– جۇمىس ورنىن جانە راستايتىن قۇجاتتاردى قوسا وتىرىپ، سونداي-اق اسا قاجەت بولعان جاعدايلاردا كىرۋ جانە شىعۋ سەبەپتەرىن مىندەتتى تۇردە كورسەتە وتىرىپ، STOPCORONA.KZ سايتىندا تىركەلگەن جاعدايدا زەرەندى اۋدانىنىڭ جاقىن ەلدى مەكەندەرىنىڭ تۇرعىندارىنا كوكشەتاۋ قالاسىنا/قالاسىنان كىرۋگە/شىعۋعا رۇقسات ەتىلسىن. كوكشەتاۋ قالاسىندا تۇراقتى جۇمىس ىستەيتىن ادامداردى قوسپاعاندا، سايتتا قايتا تىركەلۋ مۇمكىندىگىمەن 7 كۇننەن اسىرماۋعا رۇقسات بەرىلەدى.

– COVID-19-عا پتر ادىسىمەن تەستىلەۋدىڭ تەرىس ناتيجەسى بار، ونى العان ساتتەن باستاپ 5 تاۋلىكتەن اسپاعان انىقتاما نەمەسە حاتتاما بولعان جاعدايدا وبلىستىق مەديسينالىق شاقىرۋ كوميسسياسىنا باراتىن/ورالاتىن جەرگىلىكتى اسكەري باسقارۋ ورگاندارىنىڭ كولىگى مەن قىزمەتكەرلەرىن (ءىسساپار كۋالىگى نەمەسە ءىسساپارعا جىبەرۋ تۋرالى بۇيرىق بولعان كەزدە)، ولارمەن بىرگە جۇرەتىن اسكەرگە شاقىرىلۋشىلاردى؛

– اۋماقتىڭ سايلاۋ كوميسسيالارىنىڭ وكىلدەرىنە قىزمەتتىك كۋالىگىن كورسەتكەن كەزدە (جۇرگىزۋشى رەتىندە بىرگە جۇرەتىن ادامعا رۇقسات ەتىلەدى)؛

– جۇمىس ورنىن كورسەتە وتىرىپ، STOPCORONA.KZ سايتىندا تىركەلگەن جاعدايدا تۋريزم وبەكتىلەرىنىڭ، جول بويى سەرۆيسىنىڭ، سونداي-اق اۋىل شارۋاشىلىعى ءىس-شارالارىنا، قۇرىلىس جۇمىستارىنا تارتىلعان كولىكتەر پەن قىزمەتكەرلەر.

قاۋلىعا سايكەس:

– كەلۋشىلەردىڭ سانىن 30 پايىزدان اسىرماي جانە ءبىر كەلۋشىگە كەمىندە 4 ش.م. ساقتالعان جاعدايدا، الاڭى 500 شارشى مەتردەن كەم (جەكە تۇرعان) ازىق-تۇلىك ەمەس دۇكەندەردىڭ قىزمەتى جۇمىس، دەمالىس كۇندەرى ساعات 09:00-دەن 20:30-عا دەيىن؛

– كەلۋشىلەردىڭ سانىن 30 پايىزدان اسىرماي جانە ءبىر كەلۋشىگە كەمىندە 4 شارشى مەتر ساقتالعان جاعدايدا، الاڭى 500 شارشى مەتردەن كەم ساۋدا، ويىن-ساۋىق ورتالىقتارىنىڭ، ساۋدا جەلىلەرىنىڭ قىزمەتى جۇمىس، دەمالىس كۇندەرى ساعات 10:00-دەن 20:30-گە دەيىن شەكتەلەدى.