قازاقستاننىڭ باس سانيتار دارىگەرى، دەنساۋلىق ساقتاۋ ۆيسە-مينيسترى ەرلان قياسوۆ كوروناۆيرۋس ينفەكسياسى تارالۋىنىڭ الدىن الۋ ماقساتىندا  جاڭا قاۋلى جاريالادى.

2020 جىلعى 23 قازانداعى №57 قاۋلىسىنىڭ 8-تارماعىنىڭ 2-تارماقشاسىنا سايكەس، بوسانۋعا سەرىكتەس كىرۋگە رۇقسات ەتىلەدى. سەرىكتەستە پتر ادىسىمەن COVID-19-عا تەستىنىڭ تەرىس ناتيجەسى بار انىقتاما بولۋى كەرەك. الايدا تەستىڭ ناتيجەسى 3 كۇننەن اسپاعان بولۋعا ءتيىس.

سونداي-اق باس سانيتار دارىگەردىڭ 2020 جىلعى 23 قازانداعى №59 قاۋلىسىنا دا وزگەرتۋلەر ەنگىزىلدى. قاۋلىدا قازاقستانعا اۋە رەيستەرىمەن ۇشىپ كەلگەندەرگە، تەمىرجول، تەڭىز، وزەن كولىگىندە جانە اۆتووتپە جولدارى ارقىلى كەلگەن ادامدارعا قاتىستى شەكتەۋ شارالارىنا وزگەرىستەر ەنگىزىلدى.

قاۋلىعا سايكەس:

– ەرتىپ جۇرەتىن ادامداردا قازاقستاننىڭ مەملەكەتتىك شەكاراسىن كەسىپ وتكەن ساتتە ناتيجەسى بەرىلگەن كۇننەن باستاپ 3 تاۋلىكتەن اسپايتىن پتر ادىسىمەن COVID-19-عا تەستىنىڭ تەرىس ناتيجەسى بار انىقتاما بولعان كەزدە 5 جاسقا دەيىنگى بالالاردى، قازاقستاننىڭ ۇكىمەت دەلەگاسيالارىن؛ اۆياكومپانيالار ەكيپاجدارىن قوسپاعاندا، بارلىق كەلگەن ادامدار انىقتاما ۇسىنۋعا مىندەتتى؛

– ەرتىپ جۇرەتىن ادامداردا قازاقستاننىڭ مەملەكەتتىك شەكاراسىن كەسىپ وتكەن ساتتە ناتيجەسى بەرىلگەن كۇننەن باستاپ 3 تاۋلىكتەن اسپايتىن پتر ادىسىمەن COVID-19-عا تەستىنىڭ تەرىس ناتيجەسى بار انىقتاما بولعان كەزدە 5 جاسقا دەيىنگى بالالاردى؛ قازاقستاننىڭ ۇكىمەت دەلەگاسيالارىن؛ لوكوموتيۆ بريگادالارىنىڭ مۇشەلەرىن؛ تەمىرجول، تەڭىز جانە وزەن كولىگىندەگى تاسىمالداۋ قىزمەتىمەن بايلانىستى ادامداردى قوسپاعاندا، بارلىق كەلگەن ادامدار انىقتاما ۇسىنۋعا مىندەتتى.

قاۋلىعا سايكەس، قازاقستان شەكاراسىنا اۆيارەيس، تەمىرجول، تەڭىز جانە وزەن كولىگىندەگى تاسىمالداۋ قىزمەتىمەن كەلگەن جولاۋشىلاردىڭ دەنە تەمپەراتۋراسى تەكسەرىلەدى. ەگەر دەنە تەمپەراتۋراسى جوعارى كەلسە، انىقتاماسى بولعانىنا قاراماستان، ينفەكسيالى ستاسيوناردا وقشاۋلاۋعا جاتادى.

قاۋلىنىڭ تولىق ءماتىنى مىنا سىلتەمەدە.