الماتىدا «نازاربايەۆ مودەلى» – ءححى عاسىردىڭ تالاپتارىنا ستراتەگيالىق جاۋاپ» اتتى جاس عالىمداردىڭ حالىقارالىق ونلاين-فورۋمى ءوتتى. بەس كۇنگە سوزىلعان عىلىمي پلاتفورمانى نۇرسۇلتان نازاربايەۆ قورى جانىنداعى عىلىم جونىندەگى كەڭەس ۇيىمداستىردى. 

قاشىقتان وتكىزۋ فورماتىندا ۇيىمداستىرىلعان فورۋمعا 7 000  استام جاس عالىمدار قاتىستى، 16 ەلدىڭ - قازاقستان، ءازىربايجان، ارمەنيا، بەلورۋسسيا، ۆەنگريا، گەرمانيا، كانادا، مالايزيا، رەسەي، سينگاپۋر، اقش، تاجىكستان، وزبەكستان، ۋكراينا، وڭتۇستىك كورەيا جانە جاپونيادان 120 عالىم بايانداما جاسادى. 

پلەنارلىق وتىرىسپەن اشىلعان ءىس-شارادا قازاقستان رەسپۋبليكاسى مەملەكەتتىك ورگاندارىنىڭ باسشىلارى مەن حالىقارالىق ۇيىمداردىڭ وكىلدەرى فورۋمعا قاتىسۋشىلاردىڭ اتىنا قۇتتىقتاۋ ءسوز سويلەدى. 

فورۋمنىڭ ماقساتى – ەلباسىنىڭ ەگەمەن مەملەكەتتىڭ قالىپتاسۋىنا قوسقان ۇلەسىن ۇعىنۋ جانە ءساتتى جۇمىس ىستەپ كەلە جاتقان «نازاربايەۆ مودەلىنىڭ» نەگىزىندە جاس عالىمداردىڭ مەملەكەتتىك ورگانداردىڭ وكىلدەرى ءۇشىن پاندەميادان كەيىنگى كەزەڭدە نەعۇرلىم قۇندى ۇسىنىمدار ازىرلەۋ ەكەنىن اتاپ وتكەن ءجون. 

"2015 جىلى بۇۇ باس اسسامبلەياسىنىڭ مەرەيتويلىق 70-سەسسياسىندا سويلەگەن سوزىندە نۇرسۇلتان نازاربايەۆ بۇكىل الەمدە ورىن الۋى مۇمكىن سىن-قاتەرلەردى اتاپ ءوتتى. قازاقستان رەسپۋبليكاسى تۇڭعىش پرەزيدەنتىنىڭ ايتۋىنشا، بۇل پروبلەمالارعا جاۋاپ رەتىندە دۇنيەجۇزىلىك داعدارىسقا قارسى جوسپاردى قولدانۋعا بولادى. ۋاقىت كورسەتىپ وتىرعانداي، نۇرسۇلتان نازاربايەۆتىڭ بۇل ۇسىنىسى بۇگىندە ۇلكەن سۇرانىسقا يە -  الەمنىڭ ۇزدىك عالىمدارى  قالىپتاسقان جاعدايدان شىعۋدىڭ جولدارىن ىزدەۋدە"، — دەپ اتاپ ءوتتى عىلىمي ءسلوت بارىسىندا  نۇرسۇلتان نازاربايەۆ قورىنىڭ اتقارۋشى ديرەكتورىنىڭ ورىنباسارى، قازاقستان رەسپۋبليكاسىنان ەۋروپا كەڭەسىنىڭ ۆەنەسيالىق كوميسسياسىنىڭ مۇشەسى، زاڭ عىلىمدارىنىڭ دوكتورى، پروفەسسور يگور روگوۆ. 

ءىس-شارا شەڭبەرىندە «Covid-19: قۇقىقتىق ماسەلەلەر»، «يننوۆاسيالار جانە كاسىپكەرلىك: سovid-19 شىنايىلىعىنداعى وزگەرىستەر مودەلى»، «XXI عاسىردىڭ اگروونەركاسىپتىك كەشەنى: عىلىم جانە يننوۆاسيالار»، «COVID-19 جۇقتىرعان پاسيەنتتەردى باسقارۋ ماسەلەلەرى: دياگنوستيكالىق، كلينيكالىق جانە باسقا دا اسپەكتىلەر»، «قازىرگى زاماننىڭ كۇتپەگەن سىن-قاتەرلەرى: قوعام مەن دەنساۋلىق ساقتاۋ جۇيەسىنىڭ پاندەمياعا بايلانىستى وزگەرىستەرگە سالدارى مەن رەاكسياسى»، «ءححى عاسىرداعى قازاقستان ەۋرازيالىق كەڭىستىكتە» تاقىرىپتارىندا التى عىلىمي سەكسيا تابىستى ءوتتى. 

بۇدان باسقا، تمد ەلدەرىنىڭ جاس عالىمدار كەڭەسى ءتوراعالارىنىڭ قاتىسۋىمەن «پاندەميا كەزەڭىندەگى سيفرلاندىرۋ: جاڭا سىن-قاتەرلەر مەن ۇردىستەر» جانە «جاڭا جاعدايداعى عىلىمي ىنتىماقتاستىقتىڭ پەرسپەكتيۆالارى» اتتى عىلىمي وتىرىستار ءوتتى. 

فورۋمعا قاتىسۋشىلار ءىس-شاراعا دايىندىقتىڭ جانە نۇرسۇلتان نازاربايەۆ قورىنىڭ عالىمداردى قولداۋ سالاسىندا جۇرگىزىپ جاتقان جۇمىسىنىڭ جوعارى دەڭگەيىن، ەڭ دارىندىلاردى كوتەرمەلەپ جانە ولار ءۇشىن وسىنداي بەدەلدى الاڭدار قۇرعانىن اتاپ ءوتتى. 

"ءبىزدىڭ ەلدەر بەتپە-بەت كەزدەسكەن زاماناۋي سىن-قاتەرلەر عىلىمدى دامىتپايىنشا، جاستاردىڭ قولداۋىنسىز، پروبلەمالارعا تابىستى قارسى تۇرۋ تۋرالى ايتۋ مۇمكىن ەمەستىگىن كورسەتەدى. سونىمەن بىرگە، ۇلتتىق عىلىمي مەكتەپتەردى دامىتۋ مەملەكەتتەردى ودان ءارى دامىتۋ ءۇشىن، اسىرەسە پاندەميادان كەيىنگى كەزەڭدە اسا ماڭىزدى باسىمدىق بولىپ تابىلادى. عىلىم ەرەكشە نازار اۋدارۋدى قاجەت ەتەدى، ال جاس عالىمداردى قولداۋ، ارينە، تالانتتاردى انىقتاۋدى، ولاردى قولداۋ جۇيەسىن دامىتۋدى جانە ەڭ باستىسى ولاردىڭ يدەيالارىن جۇزەگە اسىرۋدى تالاپ ەتەدى. وسىعان بايلانىستى نۇرسۇلتان نازاربايەۆ قورى جاستار عىلىمى مەن عىلىمىنىڭ جالپى دامۋى مۇمكىن ەكەنىن دالەلدەدى جانە ءتيىمدى جۇمىس ىستەيتىن قۇرالداردىڭ ارقاسىندا بۇگىندە كورىپ وتىرعان جەمىستى جۇمىستىڭ ۇلگىسى بولىپ تابىلادى"، — دەدى بەلارۋس رەسپۋبليكاسى ۇلتتىق عىلىم اكادەمياسىنىڭ جاس عالىمدار كەڭەسىنىڭ ءتوراعاسى، مينسك قالاسىنان جەتىنشى شاقىرىلعان بەلارۋس رەسپۋبليكاسى ۇلتتىق جينالىسى رەسپۋبليكا كەڭەسىنىڭ مۇشەسى، حيميا عىلىمدارىنىڭ دوكتورى اندرەي يۆانەس. 

فورۋم قارار قابىلداۋمەن اياقتالدى، وندا پىكىرتالاس جانە عىلىمي سەكسيالارعا قاتىسۋشىلار جاس عالىمداردى قولداۋعا جانە قازاقستان رەسپۋبليكاسى مەن ەۋرازيالىق ەكونوميكالىق وداق ەلدەرىنىڭ عىلىمىن دامىتۋعا باعىتتالعان ۇسىنىمدار پاكەتىن ۇسىندى. 

"نۇرسۇلتان نازاربايەۆ 2009 جىلى اتاپ وتكەندەي:  «ينتەگراسيانىڭ ەڭ جەتىلگەن ساياسي جانە ەكونوميكالىق ينفراقۇرىلىمى، ەگەر ول بەلسەندى تۇلعالاردىڭ ەنەرگياسىمەن نىعايتىلماسا، ىس-ارەكەتكە قابىلەتسىز بولىپ قالادى. ول مەملەكەتتەردى مىڭداعان كۇشتى جىپتەرمەن بايلانىستىرادى. بۇل ەنەرگيانى ساقتاۋ جانە ءدامىتۋ-بىزدىڭ باستى مىندەتىمىز». تالانتتى عىلىمي جاستاردى زەرتتەۋ جۇمىستارىنا ىنتالاندىرۋدا فورۋمنىڭ ەرەكشە ءرولىن اتاپ ءوتۋ قاجەت. جاس عالىمداردىڭ بىرىگۋى، ولاردىڭ عىلىمي سالاعا بىرىگۋى ۇلتتىق باسىمدىقتاردا، ادامگەرشىلىك قۇندىلىقتاردا جانە ۇرپاقتار ساباقتاستىعىندا تاربيەلەنگەن جوعارى بىلىكتى مامانداردى دايارلاۋدىڭ نەگىزى بولىپ تابىلادى"، — دەپ اتاپ ءوتتى نۇرسۇلتان نازاربايەۆ قورى جانىنداعى عىلىم جونىندەگى كەڭەستىڭ مۇشەسى، قازاقستان رەسپۋبليكاسى پرەزيدەنتى جانىنداعى قازاقستاندىق ستراتەگيالىق زەرتتەۋلەر ينستيتۋتىنىڭ جەتەكشى عىلىمي قىزمەتكەرى، PhD دوكتورى ەرمەك توقتاروۆ. 

نۇر-سۇلتانداعى ەقىۇ باعدارلامالار ءوفيسىنىڭ باسشىسى دەرديا سابونىڭ مالىمدەۋىنشە، بۇل فورۋمدا ەڭ باستىسى – جاس عالىمداردىڭ ءوز ويلارىن ورتاعا سالۋى ءۇشىن جانە بۇل پايىمداردىڭ ەل دامۋىنىڭ مودەلىن رەفورمالاۋ كەزىندە ەسكەرىلۋى ءۇشىن پلاتفورمانى ۇسىنۋ. 

فورۋم قورىتىندىسى بويىنشا ەلەكتروندى فورماتتا عىلىمي باياندامالار جيناعى جاريالانادى.

فورۋمنىڭ تەڭ ۇيىمداستىرۋشىلارى قازاقستان رەسپۋبليكاسىنىڭ كونستيتۋسيالىق كەڭەسى، «استانا» حالىقارالىق قارجى ورتالىعى، سوربوننا-قازاقستان ينستيتۋتى، اباي اتىنداعى قازۇپۋ، حالىقارالىق ىنتىماقتاستىق جونىندەگى گەرمان قوعامىنىڭ (GIZ) قازاقستان مەن وزبەكستانداعى وكىلدىگى، ەقىۇ-نىڭ نۇر-سۇلتان قالاسىنداعى ءوفيسى، «اتامەكەن» ق ر ۇكپ جانە ءبىرقاتار قازاقستاندىق جوعارى وقۋ ورىندارى.