الماتىدا بەلگىلى كومپوزيتور نۇروللا عازيزوۆتىڭ قۇرمەتىنە مەموريالدىق تاقتا ورناتىلدى.
ول كسرو كومپوزيتورلار وداعىنىڭ مۇشەسى، كامەرالىق جانە سيمفونيالىق مۋزىكا جانرىنىڭ شەبەرى. بالا كۇنىنەن مۋزىكاعا اۋەس بولعان نۇروللا عازيز ۇلى 30 جاسىندا-اق كەڭەس وداعىنىڭ ۇزدىك كومپوزيتورى اتانعان. بۇگىندە كوزى ءتىرى بولعاندا، سازگەر 80 جاسقا تولار ەدى.
«جەلدىڭ سوعىسىن، بيدايلاردىڭ قوزعالىسىن، اتام دەيدى، جەتكىزە بىلگەن دەيدى. اينالاسىندا ادامدار كوپ بولاتىن، ءبارى وسى ۇيدەن شىقپايتىن. سوندا ءومىرىنىڭ ءوتىپ بارا جاتقانى ما دەپ ويلايمىن. دوستارى كوپ بولدى»، – دەدى ن. عازيزوۆتىڭ جارى رىسقايشا باياحمەت قىزى.
«ءاربىر شىعارماسى حالىقتىڭ رۋحىن، ۇلتىمىزدىڭ ءيىسىن، ونىڭ تىنىس-تىرشىلىگىنەن حابار بەرىپ تۇرادى. سوندىقتان ونەرگە تالپىنىپ جۇرگەن بولاشاق كومپوزيتورلار نۇروللانىڭ شىعارماشىلىعىمەن ەتەنە تانىسىپ، ۇلگى السا ەكەن دەپ ويلايمىن. قازاق ەلى جاساي بەرسىن!» – دەدى اقىن، كۇيشى تالاپ قاراش.
پىكىر قالدىرۋ