قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترىنىڭ 87ء-شى كونسەرتتىك ماۋسىمى اشىلدى، دەپ حابارلايدى Almaty.tv.

قۇرمانعازى وركەسترى اكادەميك احمەت جۇبانوۆتان، قازاقتىڭ تۇڭعىش كاسىبي ديريجەرى شامعون قاجىعالييەۆتەن  باستاۋ العان، تاريحى التىن ارىپتەرمەن جازىلعان، قازاقستاننىڭ اسپاپتىق مۋزىكالىق ونەر تاريحىندا بىرەگەي ءارى  تۇڭعىش وركەستر.

ەلباسى – تۇڭعىش  پرەزيدەنتىمىز نۇرسۇلتان نازاربايەۆ سوزىمەن ايتساق، بۇگىنگى تاۋەلسىز مەملەكەتىمىزدىڭ ءىنجۋ-مارجانى.

87ء-شى كونسەرتتىك ماۋسىم اياسىندا 1 جەلتوقسان ق ر تۇڭعىش پرەزيدەنتى كۇنىنە وراي، ەلباسىمىزدىڭ ەڭبەگىن ايشىقتاۋ ماقساتىندا كورمە ۇيىمداستىرىلدى. 

كونسەرتتىك باعدارلامادا قازاق مۋزىكاسىنىڭ ۇلىلىعىن، ۇلى دالامىزدىڭ كەڭدىگىن پاش ەتەتىن سازدى اۋەندەرمەن قاتار الەمدىك كلاسسيكالىق شىعارمالار ورىندالدى.

ءىس-شارادا قازاقستاننىڭ ەڭبەك سىڭىرگەن قايراتكەرى – باتىرجان مىقتىبايەۆ، حالىقارالىق جانە رەسپۋبليكالىق كونكۋرستاردىڭ لاۋرەاتتارى: ايدوس جاباعين، اجار ەركەبۋلانوۆالار ونەر كورسەتتى. وركەستردىڭ باس ديريجەرى، مەملەكەتتىك «دارىن» جاستار سىيلىعىنىڭ لاۋرەاتى – ابىلاي تىلەپبەرگەن.

ونەر ۇجىمىنىڭ كەلەسى كونسەرتى 16 جەلتوقسان ق ر تاۋەلسىزدىك كۇنى مەرەكەسىنە وراي 11 جەلتوقسانعا جوسپارلانىپ وتىر.