تايۆان قىتايدىڭ اسكەري كۇشىمەن كۇرەسۋ ءۇشىن سەگىز شابۋىل سۇڭگۋىر كەمەسىن جاسۋدا. بۇل تۋرالى Forbes باسىلىمى حابارلادى.

سۋپەر دەرجاۆانىڭ اسكەري كۇشىنە جاۋاپ رەتىندە تايۆان سەگىز جاڭا شابۋىل سۇڭگۋىر كەمەسىن دايىنداۋدى باستادى.

جاۋىنگەرلىك سۇڭگۋىر كەمەلەر تايۆان اسكەري كۇشتەرىن ۇلكەن سەرپىن بەرمەك جانە 2024 جىلدىڭ سوڭىنان باستاپ اسكەري وپەراسياعا كىرىسەدى. تايۆاندا 1980 جىلى نيدەرلاندىدان ساتىپ الىنعان ءتورت سۇڭگۋىر كەمە بار، ال ەكەۋى اقش-تان شىققان.

ال، جۇڭگو الەمدەگى ەڭ ءىرى تەڭىز فلوتىنا يە، 300-دەن استام اسكەري كەمەلەرى مەن سۇڭگۋىر قايىقتارى بار. بەيجىڭنىڭ جوسپارلارى بويىنشا، 2030 جىلعا قاراي ءوز فلوتىن 550-دەن اسىرا الادى.

ماسساچۋسەتس تەحنولوگيالىق ينستيتۋتىنىڭ مامانى وۋەن كوت Forbes جۋرنالىنا تايۆاندىقتاردىڭ بۇعازدا قىتايلىقتاردان ارتىقشىلىعى بولۋى مۇمكىن ەكەنىن ايتتى.

كوت مىرزا "بۇعازىنىڭ تاياز، قاربالاس سۋ جولدارى (تايۆانعا) سۋ استى كەمەلەرىنە اۋە جانە جەر ءۇستى كۇشتەرىنەن ارتىقشىلىق بەرەدى" دەدى.

ايتا كەتەيىك، جۇڭگو مەن تايۆان 1940 جىلدارى ازاماتتىق سوعىس كەزىندە ەكىگە بولىنگەن.