شىمكەنت قالاسى جانە شىعىس قازاقستان، اقمولا، قوستاناي، باتىس قازاقستان، قىزىلوردا، الماتى وبلىستارىندا كارانتين شارالارى كۇشەيتىلەدى. بۇل تۋرالى وبلىستاردىڭ باس سانيتار دارىگەرلەرى مالىمدەدى.
شىمكەنت قالاسىنىڭ باس سانيتار دارىگەرى ءابدىماناپ تۋلەبايەۆ كارانتيندى كۇشەيتۋگە قاتىستى جاڭا قاۋلى شىعاردى.
"شىمكەنت قالاسىنىڭ اۋماعىندا 7 جەلتوقسان ساعات 00:00-دەن باستاپ 21 جەلتوقسانى ساعات 00:00-گە دەيىن كارانتين جانە شەكتەۋ شارالارى ۇزارتىلسىن" دەلىنگەن قاۋلىدا.
جاڭا قاۋلىعا سايكەس:
- قوعامدىق تاماقتانۋ نىساندارى جانە ساۋدا-ويىن-ساۋىق كەشەندەرىنىڭ جۇمىسى، دەمالىس جانە مەرەكە كۇندەرى ساعات 07:00-دەن 23:00-گە دەيىن شەكتەلەدى؛
- سالتاناتتى ءىس-شارالاردى وتكىزۋگە تىيىم سالىنادى (بانكەت، توي، ەسكە الۋ، تۋعان كۇن، مەرەيتوي، شىعارىپ سالۋ، قۇدالىق)؛
- اشىق الاڭداعى كينوتەاترلاردا ارنايى سانيتارلىق تالاپتار قاتاڭ ساقتالۋعا ءتيىس.
شىعىس قازاقستان وبلىسىنىڭ باس سانيتار دارىگەرى ح. يليۋبايەۆ كوروناۆيرۋس ينفەكسياسىنىڭ الدىن-الۋ ءۇشىن قاۋلىعا جاڭا وزگەرىستەر مەن تولىقتىرۋلار ەنگىزدى.
كارانتين شارالارى 04 جەلتوقسان ساعات 00:00-دەن باستاپ 17 جەلتوقسان ساعات 00:00-گە دەيىن ۇزارتىلادى.
قاۋلىعا سايكەس:
- سەمەي، ريددەر، كۋرچاتوۆ قالالارىنىڭ جانە اۋدانداردىڭ پەريمەترى بويىنشا شەكتەۋ شارالارىنىڭ قولدانىلۋ شەكارالارى ساقتالۋى كەرەك؛
- كورپوراتيۆتىك، سالتاناتتى، وتباسىلىق جانە باسقا دا بۇقارالىق ءىس-شارالاردىڭ وتكىزىلمەۋى باقىلانادى؛
- 65 جاستان اسقان ادامدارعا جانە حالىقتىڭ الەۋمەتتىك قورعالاتىن توپتارىنا ءبىرىنشى كەزەكتە قاجەتتى تاۋارلاردى، ازىق-تۇلىك پەن دارىلىك زاتتاردى جەتكىزۋمەن اينالىساتىن ۆولونتەرلەردىڭ جۇمىسىن جالعاستىرۋىنا رۇقسات ەتىلەدى؛
- كىرەبەرىس، ءليفتى، پاركينگتەردە دەزينفەكسيا جۇمىستارى جۇرگىزىلەدى؛
- سانيتارلىق تالاپتاردى ساقتاي وتىرىپ حالىقتىڭ كوشەدە جانە سكۆەرلەردە، ساياباقتاردا، الاڭداردا، جاعالاۋلاردا، سەرۋەندەۋ ايماقتارىندا ءجۇرىپ-تۇرۋلارىنا رۇقسات ەتىلەدى؛
اقمولا وبلىسىنىڭ باس سانيتار دارىگەرى ايناگۇل مۋسينا كارانتين شارالارى تۋرالى قاۋلىعا وزگەرىستەر مەن تولىقتىرۋلار ەنگىزدى.
قاۋلىعا سايكەس:
- ازىق-تۇلىك، ءبىرىنشى كەزەكتە قاجەتتى تاۋارلار، دارى-دارمەك جانە مەديسينا بۇيىمدارىن ساتىپ الۋ ءۇشىن سىرتقا شىعۋعا رۇحسات؛
- شۇعىل جاعداي بويىنشا مەديسينا مەكەمەسىنە بارۋدى قوسپاعاندا، بارلىق تۇرعىندارعا، اسىرەسە 65 جاستان اسقان ادامدارعا اسا قاجەتتى سەبەپتەرسىز ۇيلەرىنەن ساعات 21:00-دەن 06:00-گە دەيىن شىقپاۋ ۇسىنىلادى.
سونداي-اق سانيتار بەكەتتەردە تومەندەگى ساناتتاعى تۇلعالارعا وبلىستان كەدەرگىسىز كىرىپ/شىعۋعا رۇقسات ەتىلەدى:
- مەديسينا كورسەتكىشتەرى بويىنشا كىرەتىن جانە شىعاتىن ادامدار؛
- ترانزيتتىك جولاۋشىلار مەن جۇك تاسىمالداۋشىلارى؛
- ۆاحتا قىزمەتكەرلەرىن تاسىمالدايتىن كولىك قۇرالدارى؛
- COVID-19 تارالۋىنىڭ الدىن الۋ جونىندەگى ءىس-شارالارىنا تارتىلعان كولىكتەر مەن ادامدار، ۇيىمدار؛
- تىرشىلىكتى قامتاماسىز ەتەتىن كاسىپورىندار (ونىڭ ىشىندە جابدىقتاردى باپتاۋ بويىنشا سەرۆيستىك قىزمەت كورسەتۋدى قامتاماسىز ەتەتىن كاسىپورىندار)، كولىكتەر مەن ادامدار، ۇيىمدار؛
- ازىق-تۇلىك ەمەس دۇكەندەردىڭ قىزمەتى، دەمالىس كۇندەرى ساعات 09:00-دەن 20:30-عا دەيىن؛
قوستاناي وبلىسىنىڭ باس سانيتار دارىگەرى ۆ. نەچيتايلو ەلدەگى ەپيدەميولوگيالىق جاعدايدى ەسكەرە وتىرىپ كارانتين شارالارىن كۇشەيتتى.
"14 جەلتوقسان ساعات 00:00-دەن باستاپ قوستاناي وبلىسى ەلدى مەكەندەرىنىڭ اۋماعى بويىنشا تۇرعىنداردىڭ ماسكا رەجيمىن، الەۋمەتتىك قاشىقتىقتى ساقتاي وتىرىپ، 3 ادامنان اسپايتىن توپپەن نەمەسە ءبىر وتباسى مۇشەلەرىمەن ۋاقىت بويىنشا شەكتەۋسىز ءجۇرىپ-تۇرۋىنا رۇقسات بەرىلەدى" دەلىنگەن قاۋلىدا.
قاۋلىعا سايكەس:
- وبلىستا تۇرعىنداردىڭ ءجۇرىپ-تۇرۋى ساعات 23:00-دەن 06:00-گە دەيىن شەكتەلەدى؛
- ساۋدا كەشەندەرىنىڭ، ساۋدا ۇيلەرىنىڭ، ساۋدا جەلىلەرىنىڭ، ازىق-تۇلىك ەمەس دۇكەندەردىڭ قىزمەتىنە رۇقسات بەرىلەدى؛
- باسسەيندەردىڭ قىزمەتىنە الدىن الا جازىلۋ بويىنشا رۇقسات بەرىلەدى؛
قاۋلى 2020 جىلدىڭ 09 قاراشا ساعات 00:00-دەن باستاپ كۇشىنە ەنەدى جانە 2020 جىلدىڭ 14 جەلتوقسان ساعات 00:00-گە دەيىن قولدانىلادى.
باتىس قازاقستان وبلىسىنىڭ باس سانيتار دارىگەرى م.ارىسپايەۆ تۇرعىندار اراسىندا كوروناۆيرۋس ينفەكسياسىنىڭ الدىن الۋ ءۇشىن جاڭا قاۋلىسىن شىعاردى.
قاۋلىعا سايكەس:
- بقو ەلدى مەكەندەرىنىڭ اۋماعىندا حالىقتىڭ قوزعالىسى ساعات 00:00-دەن 6:00-گە دەيىن شەكتەلەدى؛
- ويىن-ساۋىق، سپورتتىق ءىس-شارالاردى، كورمەلەردى، فورۋمداردى، كونفەرەنسيالاردى، جاڭا جىلدىق ءىس-شارالاردى سونداي-اق وتباسىلىق، ەستەلىك ءىس-شارالاردى وتكىزۋگە تىيىم سالىنادى؛
- كوروناۆيرۋس ينفەكسياسىنىڭ الدىن الۋعا باعىتتالعان ەپيدەمياعا قارسى ءىس-شارالارعا تارتىلعان جانە حالىقتىڭ تىنىس-تىرشىلىگىن قامتاماسىز ەتەتىن قىزمەتتەردى قوسپاعاندا، مەملەكەتتىك ورگاندار مەن كۆازيمەملەكەتتىك سەكتور ۇيىمدارى قىزمەتكەرلەرىنىڭ كەمىندە 50%-ى "قاشىقتىقتان" جۇمىس تۇرىنە اۋىسادى؛
- حالىققا قىزمەت كورسەتۋ ورتالىقتارى جۇمىس كۇندەرى (دۇيسەنبى-جۇما) ساعات 9:00-دەن 18:00-گە دەيىن، سەنبى كۇندەرى ساعات 9:00-دەن 14:00-گە دەيىن ىستەيدى؛
- سۇلۋلىق سالوندارى، شاشتارازدار، كوسمەتولوگيالىق قىزمەت كورسەتەتىن نىساندار، Ѕرا ورتالىقتارىنا (سالوندار) الدىن الا جازىلۋ بويىنشا قابىلدانادى.
قاۋلى 2020 جىلدىڭ 9 جەلتوقسانىندا زاڭدى كۇشىنە ەنەدى.
الماتى وبلىسىنىڭ باس سانيتار دارىگەرى ەرعالي سىدىمانوۆ كارانتيندىك جاڭا شەكتەۋ شارالارى 10 جەلتوقسان ساعات 7:00-دەن باستاپ كۇشىنە ەنەتىنىن ەسكەرتتى.
قاۋلىعا سايكەس:
- 50-دەن اسا وتىراتىن ورنى بار قوعامدىق تاماقتانۋ وبەكتىلەرىنىڭ (اسحانا، ءدامحانا، كوفە، مەيرامحانالاردىڭ جانە باسقا دا مەكەمەلەردىڭ) جۇمىسى توقتايدى؛
- قوعامدىق كولىكتىڭ جۇمىسى 23.00-گە دەيىن ۇزارتىلادى؛
- ءبىر وتباسى مۇشەلەرىن قوسپاعاندا، 3 ادامنان ارتىق جۇرۋگە تىيىم سالىنادى؛
- 65 جاستان اسقان ادامداردىڭ كوشەگە شىعۋىنا شەكتەۋ قويىلادى؛
- حالىققا قىزمەت كورسەتۋ ورتالىقتارىنىڭ جۇمىسى 09:00-دەن 18:00-گە دەيىن، ال دەمالىس كۇندەرى 9:00-دەن 15:00-گە دەيىن ىستەيدى.
قىزىلوردا وبلىسىنىڭ باس سانيتار دارىگەرى ا.ابديكايموۆا كارانتين شارالارى تۋرالى №28 قاۋلىسىنا وزگەرىستەر ەنگىزگەنىن مالىمدەدى.
پىكىر قالدىرۋ