قازاقستاندىق كاسىپكەر، ەكس-پرەزيدەنت نازاربايەۆتىڭ كۇيەۋ بالاسى تيمۋر قۇلىبايەۆ Financial Times باسىلىمىندا باياندالعان اقپارات بويىنشا رەسمي تەكسەرۋ جۇرگىزۋ ءۇشىن ق ر باس پروكۋراتۋراسىنا ۇندەۋ جاسادى، دەپ حابارلادى Inbusiness.kz.
"3 جەلتوقساندا Financial Times گازەتىندە جاريالانعان ماقالاعا قاتىستى مىنانى حابارلايمىز. تيمۋر قۇلىبايەۆ ناقتى فاكتىلەرمەن راستالماعان تۇجىرىمدار (بەكىتۋلەر)، رەسمي تۇسىنىكتەمەلەرگە قايشى كەلەتىن ءوزارا بايلانىستى ەمەس سۋبەكتيۆتى قورىتىندىلار جيىنتىعى بولىپ تابىلاتىن دەزينفورماسيالىق سيپاتتاعى ماتەريالدار قامتىلعان جاريالانىممەن كەلىسپەۋشىلىگىن بىلدىرەدى. تيمۋر قۇلىبايەۆ وسى باپتا كورسەتىلگەن مامىلەلەرگە ەشقاشان تىكەلەي نەمەسە جاناما تۇردە قاتىسقان ەمەس. جوعارىدا ايتىلعانداردى ەسكەرە وتىرىپ، تيمۋر قۇلىبايەۆ رەسمي جان-جاقتى تەكسەرۋ جۇرگىزۋ ءۇشىن باس پروكۋراتۋراعا جۇگىندى" دەلىنگەن حابارلامادا.
پىكىر قالدىرۋ