جۇڭگو اسكەري تەلەارناسى اقش سوعىس كەمەلەرى وڭتۇستىك جۇڭگو تەڭىزىنە كىرگەنىن حابارلاسا، "اقش كەمەلەرى داۋلى سۋلارعا كىرگەن كەزدە بەيجىڭ سوعىس كەمەلەرى وق جاۋدىردى" دەپ جازدى The US Posts باسىلىمى.
شىعىس ازياداعى اشىق سوعىستىڭ ءقاۋپى كۇشەيە ءتۇستى. اقش اسكەري-تەڭىز كەمەلەرى داۋلى وڭتۇستىك جۇڭگو تەڭىزىنە كىرگەن كەزدە جۇڭگو اسكەري كەمەلەرى اتىس جاتتىعۋىن وتكىزدى.
اقش سوعىس كەمەلەرى "USS Makin Island" جانە "USS Somerset" وڭتۇستىك جۇڭگو تەڭىزىندەگى قارۋلى ايماققا كىردى.
"جۇڭگو اسكەري كەمەلەرى كوپ ۇزاماي الىس قاشىقتىقتاعى قارۋدى قولدانا وتىرىپ، اتىس جاتتىعۋلارىن وتكىزدى" دەپ حابارلادى "js7tv" دەپ اتالاتىن بەيجىڭ اسكەري بولىمىنە قاراستى جاڭالىقتار سايتى.
وپەراسياعا جۇڭگو فلوتىنداعى "056ا" ءتيپتى كورۆەتتەر قاتىستى.
"Js7tv" تەلەارناسىنىڭ رەپورتاجىندا قىتايلىق جاتتىعۋدا ەلىكتەمەلى جاۋ كەمەسىن جويۋ جانە زىمىرانداردى ۇستاۋ سىناقتارى بولعان.
ءىس-شارا كەزىندە جۇڭگو اسكەري كەمەلەرىنىڭ شىن ءوق-دارى اتقانى بەينەلەنگەن ۆيدەوروليكتەر دە جاريالاندى.
قىتايلىق كوممۋنيستىك پارتيانىڭ Global Times گازەتى امەريكالىقتاردىڭ سوڭعى ارەكەتتەرىن "بۇلشىق ەتتەرىن ويناتۋ" دەپ ايىپتاپ، "اق ۇيدە كىم وتىرسا دا، وڭتۇستىك جۇڭگو تەڭىزى مەن تايۆان بۇعازىندا اقش-قا قارسى تۇرۋعا دايىن بولۋى كەرەك" دەپ جازعان.
ال Newsweekء-تىڭ حابارلاۋىنشا، اقش تىڭشىلىق ۇشاقتارى داۋلى اۋماقتىڭ ۇستىنەن ۇشىپ وتكەنى تۋرالى حابارلانعان.
قازىرگى ۋاقىتتا اقش قورعانىس ءمينيسترىنىڭ مىندەتىن اتقارۋشى كريستوفەر ميللەر ازياعا ساپار شەگۋدە.
پىكىر قالدىرۋ