10 جەلتوقساندا قازاقستاندا ساياسي پارتيالاردىڭ سايلاۋالدى ۇگىت-ناسيحات جۇمىستارى باستالدى. ءاربىر پارتيا تۇرعىنداردى ءوزىنىڭ سايلاۋالدى باعدارلاماسىمەن تانىستىرادى.
بۇگىن، 12 جەلتوقساندا ق ر ماجىلىسىنە دەپۋتاتتىققا كانديدات سامات مۇسابايەۆ، اۋداندىق ءماسليحاتقا كانديدات ەرلان تاجىبايەۆ پەن گۇلشات مۇقانوۆا قاراقيا اۋدانى جەتىباي اۋىلىنىڭ تۇرعىندارىمەن ۇگىت-ناسيحات كەزدەسۋىن وتكىزدى.
كانديداتتار 2021 جىلعى 10 قاڭتاردا وتەتىن ق ر ءماجىلىسى مەن جەرگىلىكتى ءماسليحاتتارداعى سايلاۋ تۋرالى ايتىپ، "Nur Otan" پارتياسىنىڭ باعدارلاماسىمەن ەگجەي-تەگجەيلى تانىستىردى. ولار ءوز سايلاۋشىلارىمەن سويلەسىپ، وزەكتى ماسەلەلەردى تالقىلادى. وسىلايشا، اۋىل تۇرعىندارىمەن كەزدەسۋ بارىسىندا الەۋمەتتىك قامسىزداندىرۋ، ونىڭ ىشىندە جۇمىسقا ورنالاسۋ ماسەلەلەرى باستى نازاردا بولدى جانە كانديداتتار اۋىل تۇرعىندارىن تولعاندىراتىن كوپتەگەن سۇراقتارعا جاۋاپ بەردى.
سول كۇنى ماجىلىسكە دەپۋتاتتىققا كانديدات سامات مۇسابايەۆ قۇرىق اۋىلىنداعى "قاراقيا كاسىپتىك كوللەدجى" مكقك قىزمەتكەرلەرىمەن كەزدەستى. كوللەدج قىزمەتكەرلەرى جاستارعا قانداي قولداۋ كورسەتە الاتىنىن سۇرادى. سامات بازارباي ۇلى اۋىل جاستارىن قولداۋعا باعىتتالعان جۇمىس جوسپارلارى تۋرالى ايتتى. بۇل كەزدەسۋگە كوللەدج باسشىسى دالاباي بەكماعامبەتوۆ تە بەلسەندى قاتىستى.
سەنبى، 12 جەلتوقساندا ماجىلىسكە دەپۋتاتتىققا تاعى ءبىر كانديدات ەدىل جاڭبىرشين قۇرىق اۋىلىندا "ەسىكتەن ەسىككە" اكسياسىنا قاتىستى. ەدىل تەرەكباي ۇلى ءوز باعدارلاماسىنىڭ نەگىزگى تارماقتارى تۋرالى ايتىپ، اۋىل تۇرعىندارىمەن اڭگىمە جۇرگىزدى جانە تۇرعىنداردى تولعاندىرىپ جۇرگەن ماسەلەلەرىن تىڭدادى. 
"پارتيا ءۇشىن، ەڭ الدىمەن، قاراپايىم حالىقتىڭ ءۇمىتى مەن ارمانىن ىسكە اسىرۋ ماڭىزدى. مەن بۇگىن تۇرعىنداردىڭ ۇسىنىستارىن تىڭداپ، ولاردى شەشۋگە دايىنمىن. ءار سايلاۋشىنىڭ داۋىسى ءبىز ءۇشىن ماڭىزدى. ءسىزدىڭ تاڭداۋىڭىز-بۇكىل ەلدىڭ بولاشاعىن تاڭداۋ. سىزدەردى 10 قاڭتاردا "Nur Otan" پارتياسىنا داۋىس بەرۋگە شاقىرامىن. قيىندىقتى ەڭسەرە وتىرىپ، جەڭىسكە بىرگە جەتەيىك!"- دەدى ە.جاڭبىرشين.
بۇگىن قۇرىق اۋىلىندا ماجىلىسكە دەپۋتاتتىققا كانديدات وسپان قازاقبايەۆ، وبلىستىق ءماسليحاتقا كانديدات مەيرامگۇل امانيازوۆا قۇرمەتتى اقساقال كۋرەنتاي ىزبەرگەنوۆ پەن ەرجان بەگنيازمەن كەزدەستى. كەزدەسۋ بارىسىندا وسپان دادەن ۇلى ولاردى "Nur Otan" پارتياسىنىڭ باعدارلاماسىمەن تانىستىردى.
كەزدەسۋگە قاتىسۋشىلار ەل تاۋەلسىزدىگىنىڭ باستى جەتىستىكتەرىن - تۇراقتىلىقتى، بەيبىتشىلىكتى، حالىقتىڭ بىرلىگىن اتاپ ءوتىپ، "Nur Otan" پارتياسىنا ءوز داۋىستارىن بەرۋگە نيەت ءبىلدىردى.
«Nur Otan» پارتياسىنىڭ ماڭعىستاۋ وبلىستىق سايلاۋ قورىنان تولەندى
پىكىر قالدىرۋ