مەملەكەت باسشىسى قاسىم-جومارت توقايەۆ پرەزيدەنت لاۋازىمىنداعى باستى مىندەتىن ايتتى. بۇل تۋرالى ول مەملەكەتتىك ناگرادالار مەن سىيلىقتار تاپسىرۋعا ارنالعان سالتاناتتى راسىمدە مالىمدەدى.

– پرەزيدەنت لاۋازىمىنداعى مەنىڭ باستى مىندەتىم – الەۋمەتتىك ادىلدىك جانە حالىقتىڭ ءال-اۋقاتىن ارتتىرۋ. سوندىقتان مەملەكەتتىڭ كۇندەلىكتى ىس-ارەكەتى ازاماتتارىمىزدىڭ تۇرمىس ساپاسىن جاقسارتۋعا باعىتتالادى. بيىل 4 ميلليونعا جۋىق ازاماتتىڭ زەينەتاقىسى مەن الەۋمەتتىك تولەماقىلارىنىڭ كولەمىن وسىردىك.  

الەۋمەتتىك ساقتاندىرۋ تولەماقىسىن 5 پايىزعا كوبەيتتىك. از قامتىلعان وتباسىلاردىڭ 500 مىڭنان استام بالالارى ءۇشىن كەپىلدەندىرىلگەن الەۋمەتتىك توپتاما ەنگىزدىك. پاندەميا كەزىندە قيىن جاعدايعا تاپ بولعان ادامدارعا قولداۋ كورسەتۋ ءۇشىن وڭىرىمىزدە بۇرىن-سوڭدى بولماعان قادامعا باردىق. ازاماتتارعا 42500 تەڭگە كولەمىندە تىكەلەي تولەماقى بەرىلدى. مەملەكەتتەن 4،5 ميلليوننان استام ادام قارجىلاي كومەك الدى. نەسيەلەردىڭ شەگەرىلۋى 1 ميلليون 900 مىڭعا جۋىق قازاقستاندىقتىڭ دەفولتقا تۇسۋىنە جول بەرمەدى، – دەدى توقايەۆ.

مەملەكەت باسشىسى پاندەميا سالدارىنان ەلىمىزدىڭ باستى ۇلتتىق مەرەكەسىن كەڭ كولەمدە اتاپ ءوتۋ مۇمكىن بولماعانىن ايتتى.