سايت مالىمەتىنشە، امەريكا قۇراما شتاتتارىنىڭ پرەزيدەنتى دونالد ترامپ قازاقستاننىڭ تاۋەلسىزدىك كۇنىنە وراي مەملەكەت باسشىسى قاسىم-جومارت توقايەۆتىڭ اتىنا قۇتتىقتاۋ جەدەلحاتىن جولداعان.
جەدەلحاتتا دونالد ترامپ قاسىم-جومارت توقايەۆتى جانە بارشا قازاق حالقىن ەل تاۋەلسىزدىگىنىڭ 29 جىلدىعىمەن شىن جۇرەكتەن قۇتتىقتاي وتىرىپ، قازاقستاننىڭ ورتالىق ازياداعى بەيبىتشىلىك پەن تۇراقتىلىقتى ساقتاۋ جانە وركەندەۋ جولىندا وتىز جىلعا جۋىق ۋاقىت كوش باستاپ كەلە جاتقانىن پرەزيدەنتپەن بىرگە اتاپ وتۋگە قۋانىشتى ەكەنىن جەتكىزگەن.
"بيىلعى جىل بۇعان دەيىن بۇرىن-سوڭدى بولماعان جاھاندىق سىناقتاردى الدىمىزعا توستى. ءبىراق ءبىزدىڭ سەرىكتەستىگىمىز بۇل سىناققا توتەپ بەردى. كەڭەيتىلگەن ستراتەگيالىق سەرىكتەستىگىمىزدىڭ شەڭبەرىندە ءبىز COVID-19 پاندەمياسىمەن كۇرەستەگى ىنتىماقتاستىعىمىزدىڭ بارلىق باعىتتارىندا وڭ ناتيجەگە قول جەتكىزدىك. امەريكا حالقىنىڭ اتىنان قازاقستان حالقىنا الداعى جىلى دەنساۋلىق پەن باق-بەرەكە تىلەيمىن" دەلىنگەن اقش پرەزيدەنتىنىڭ جەدەلحاتىندا.
پىكىر قالدىرۋ