«Nur Otan» پارتياسىنىڭ رەسپۋبليكالىق سايلاۋالدى شتابى تۇركىستان وبلىسىنا كەلدى. 60-قا جۋىق پارتيا بەلسەندىسى، قوعامدىق پىكىر كوشباسشىلارى مەن پارتيالىق تىزىمدەردەگى كانديداتتار ءوڭىر اۋماعىنىڭ جارتىسىنان استامىن قامتي وتىرىپ، بىرنەشە كەزدەسۋ وتكىزدى. ونىڭ ىشىندە اگرارشىلارمەن، مۇعالىمدەرمەن، دارىگەرلەرمەن، ەرەكشە قاجەتتىلىكتەرى بار ادامدارمەن جانە باسقا دا ازاماتتارمەن جۇزدەستى.
كوپبالالى انالارمەن كەزدەسۋ بارىسىندا ايەلدەردى الەۋمەتتىك قولداۋ شارالارى تالقىلاندى. نۇروتاندىقتار باسقوسۋدا كوتەرىلگەن ماسەلەلەردى تىڭداپ، باقىلاۋعا الدى.
«ءبىزدىڭ سايلاۋالدى باعدارلامامىزدا ايەلدەردىڭ جان-جاقتى دامۋىنا جاعداي جاساۋعا، تۇرمىستىق زورلىق-زومبىلىقتىڭ جولىن كەسۋگە، سونداي-اق انا مەن بالانى قورعاۋعا باسا ءمان بەرىلگەن. بۇل ءۇشىن بۇكىل ەل كولەمىندە وتباسىن قولداۋ جانە ايەلدەر كاسىپكەرلىگىن دامىتۋ ورتالىقتارى جەلىسى قۇرىلادى. قيىن جاعدايعا تاپ بولعان وتباسىلارعا اتاۋلى كومەك كورسەتۋ كۇشەيتىلىپ، جىل سايىن ەكو جاساۋعا 7 مىڭ كۆوتا بولىنەدى»، - دەپ اتاپ ءوتتى رەسپۋبليكالىق سايلاۋالدى شتاب جەتەكشىسى باۋىرجان بايبەك.
كەنتاۋ قالاسىندا تۇرعىندارمەن كەزدەسۋدە اۋىلداردى گازداندىرۋ، اۋىز سۋعا قولجەتىمدىلىكتى قامتاماسىز ەتۋ، الەۋمەتتىك نىساندار سالۋ جانە جاڭا جۇمىس ورىندارىن اشۋ ماسەلەلەرى كوتەرىلدى.
پارتيالىقتاردىڭ ايتۋىنشا، ازاماتتاردى تولعاندىرىپ جۇرگەن كوپتەگەن ماسەلەلەر «Nur Otan»-نىڭ سايلاۋالدى ۋادەلەرىندە كورىنىس تاپقان.
اتاپ ايتقاندا، پارتيا وڭىرلەردە 50 جاڭا ونەركاسىپتىك كاسىپورىن قۇرىپ، 125 مىڭ جۇمىس ورنىن اشۋعا جاعداي جاسايدى. ءۇش اۋىسىمدى جانە اپاتتى مەكتەپتەردى جويۋ ءۇشىن 12 جاڭا مەكتەپ سالىنادى، سونداي-اق اۋىل تۇرعىندارى ءۇشىن 14 جاڭا اۋرۋحانا مەن ەمحانا قۇرىلىسى جۇرگىزىلەدى. 60-تان استام ەلدى مەكەننىڭ 150 مىڭنان استام تۇرعىنىنىڭ اۋىز سۋعا قولجەتىمدىلىگى قامتاماسىز ەتىلىپ، 200 مىڭداي تۇرعىنى بار 90-نان استام اۋىل گازداندىرىلادى جانە ت.ب.
سونىمەن قاتار، تۇركىستان وبلىسىنىڭ زيالىلارىمەن كەزدەسۋدە مەملەكەتتىك ءتىل مەن ۇلتتىق مادەنيەتتى ارى قاراي دامىتۋ جايى اڭگىمە ارقاۋىنا اينالدى.
اقساقالداردىڭ سۇراقتارىنا جاۋاپ بەرە وتىرىپ، بيلەۋشى پارتيا ءتوراعاسىنىڭ ءبىرىنشى ورىنباسارى Nur Otan جەردىڭ شەتەلدىكتەرگە ساتىلۋىنا جول بەرمەيتىنىن باسا ايتتى. سونىمەن قاتار، پارتيا قازاق تىلىندە ءبىلىم بەرەتىن مەكتەپتەر مەن بالاباقشالاردى كوبەيتۋگە، مەملەكەتتىك ءتىلدىڭ بارلىق سالادا قولدانىلۋىن كەڭەيتۋگە ىقپال ەتپەك. سونداي-اق ءداستۇرلى مادەنيەت پەن ۇلتتىق سپورت تۇرلەرىنە قولداۋ كورسەتۋدى جالعاستىرا بەرەدى.
ەرتەڭ قۇرامى قوعامدىق پىكىر كوشباسشىلارى، پارتيا بەلسەندىلەرى جانە پارتيالىق تىزىمدەردەگى كانديداتتاردان قۇرالعان 400-گە جۋىق ادام كىرەتىن «Nur Otan»-نىڭ رەسپۋبليكالىق سايلاۋالدى شتابى شىمكەنت قالاسىنا بارادى.
216 وڭىرلىك سايلاۋالدى شتاب جۇمىسىنا ەلىمىزدىڭ 7 مىڭداي بەلگىلى دە بەدەلدى ازاماتتارى جۇمىلدىرىلعان. ولاردىڭ قاتارىندا پرايمەريز جەڭىمپازدارى، قوعام قايراتكەرلەرى، قىزمەتتەگى دەپۋتاتتار جانە تاعى باسقا بەلگىلى ازاماتتار بار. ونلاين-تەحنولوگيالاردى ەسكەرسەك، جالپى ءىس-شارالار كەمىندە 9 ميلليوننان استام قازاقستاندىقتى قامتيدى.
«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى
پىكىر قالدىرۋ