«Nur Otan»-نىڭ ايماقتارعا ساپارى جالعاسۋدا. بۇگىن بيلەۋشى پارتيانىڭ رەسپۋبليكالىق سايلاۋالدى شتابى شىمكەنتكە كەلدى. شاھارداعى مەديسينالىق جانە الەۋمەتتىك قىزمەتتەر ساپاسىن كوتەرۋ، جاڭا تۇرعىن ۇيلەر مەن الەۋمەتتىك نىساندار سالۋ، ونىڭ ىشىندە جاڭادان قوسىلعان اۋدانداردا قۇرىلىس جۇرگىزۋ ماسەلەلەرىن تالقىلاۋ ءۇشىن قالا تۇرعىندارىمەن بىرنەشە كەزدەسۋ وتكىزدى.
«Nur Otan» پارتياسى باسپا ءسوز قىزمەتىنىڭ حابارلاۋىنشا، الداعى 5 جىلدا شىمكەنت قالاسىندا سايلاۋالدى باعدارلاما اياسىندا 42 مەكتەپ پەن 22 مەديسينالىق مەكەمەنىڭ قۇرىلىسىن قامتاماسىز ەتۋ جوسپارلانىپ وتىر. قالا شەتىندەگى 620 مىڭنان استام تۇرعىن تازا اۋىز سۋمەن، تابيعي گازبەن جانە ەلەكتر ەنەرگياسىمەن قامتاماسىز ەتىلەدى. اسىرەسە، الەۋمەتتىك مۇقتاج ازاماتتارعا ارنالعان 3 ملن. شارشى مەتر تۇرعىن ءۇي سالۋعا باسا ءمان بەرىلەدى. ول ءۇشىن 3،5 مىڭ پاتەر سالىنادى.
ساپار بارىسىندا سايلاۋالدى شتاب مۇشەلەرى قالاداعى ءبىرقاتار كاسىپورىنداردى ارالادى. ولاردىڭ قاتارىندا «AZALA Textile» ماقتا-ماتا كومبيناتىنا دا باردى.
جاڭا جۇمىس ورىندارىن اشۋ، ەڭبەك قاۋىپسىزدىگى جاعدايىن جاقسارتۋ، وندىرىستىك جاراقات الۋدى ازايتۋ جانە جۇمىس بەرۋشىلەردىڭ ەڭبەك زاڭناماسىن بۇزعانى ءۇشىن جاۋاپكەرشىلىگىن كۇشەيتۋ جانە تاعى باسقا ماسەلەلەر قاراستىرىلدى. جالپى، «Nur Otan»-نىڭ سايلاۋالدى باعدارلاماسى اياسىندا شىمكەنتتە 80 مىڭ جۇمىس ورنىن قۇرا وتىرىپ، 23 جاڭا كاسىپورىن اشۋ جوسپالانۋدا.
شىمكەنت ساپارى بارىسىندا نۇروتاندىقتار «Jas Otan»-نىڭ بەلسەندى جاستارىمەن دە جۇزدەسىپ، ولارعا ۇگىت-ناسيحات ناۋقانىنا ايانباي اتسالىسىپ جاتقاندارى ءۇشىن العىس ءبىلدىردى.
سول كۇنى «Nur Otan» وكىلدەرى قاراتاۋ اۋداندىق حالىققا قىزمەت كورسەتۋ ورتالىعىندا قالا تۇرعىندارىمەن اشىق اڭگىمەلەستى.
رەسپۋبليكالىق سايلاۋالدى شتاب جەتەكشىسى باۋىرجان بايبەكتىڭ ايتۋىنشا، مەملەكەتتىك باسقارۋ تيىمدىلىگىن ارتتىرۋ جانە سىبايلاس جەمقورلىققا قارسى جۇيەلى ءىس-قيمىل جاساۋ ءۇشىن 5 جىل ىشىندە كورسەتىلەتىن مەملەكەتتىك قىزمەتتى 100% سيفرلىق فورماتقا كوشىرۋ جوسپارلانىپ وتىر. سونىمەن بىرگە حالىققا قولايلى بولۋ ءۇشىن مەملەكەتتىك ورگانداردىڭ بارلىق اقپاراتى ءبىرىڭعاي جۇيەگە ينتەگراسيالانادى.
«حالىقپەن بىرلەسە وتىرىپ قانا ءبىز جەمقورلىقتى جويا الامىز! «Nur Otan» ساياسي قىزمەتشىلەردىڭ، سوتتاردىڭ، قۇقىق قورعاۋ ورگاندارى قىزمەتكەرلەرىنىڭ، پارا بەرۋشىلەر مەن پارا الۋشىلاردىڭ سىبايلاس جەمقورلىعى ءۇشىن جازانى قاتاڭداتۋدى كوزدەپ وتىر. سىبايلاس جەمقورلىققا شاتىلعان جانداردىڭ كۆازي جانە مەملەكەتتىك سەكتوردا جۇمىس ىستەۋىنە ءومىر بويى تىيىم سالىنۋىن قامتاماسىز ەتەمىز. بۇل رەتتە جەمقورلاردان تاركىلەنگەن بارلىق مۇلىك ازاماتتارىمىزدىڭ الەۋمەتتىك قاجەتتىلىكتەرىنە باعىتتالادى. «Nur Otan»-عا، ياعني ناقتى ىستەر مەن ماقساتى ايقىن پارتياعا داۋىس بەرىڭىزدەر!»، - دەپ اتاپ ءوتتى باۋىرجان بايبەك.
بيلەۋشى پارتيانىڭ سايلاۋالدى باعدارلاماسىمەن تولىعىراق nurotan2021.kz سايتىنان تانىسۋعا بولادى.
«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى
پىكىر قالدىرۋ