ءماجىلىس ءتوراعاسى نۇرلان نىعماتۋلين قازاقستاندىقتاردى مەملەكەتتىڭ ايتۋلى مەرەكەسى تاۋەلسىزدىك كۇنىمەن قۇتتىقتادى.
- بارشاڭىزدى ەلىءمىزدىڭ ەڭ مەرەيلى، ەڭ مارتەبەلى مەرەكەسى – تاۋەلسىزدىك كۇنىمەن شىن جۇرەكتەن قۇتتىقتايمىن! بۇل ءاربىر قازاقستاندىق ءۇشىن ەرەكشە ورنى بار مەرەكە. سەبەبى، وسى تاۋەلسىزدىكتىڭ ارقاسىندا بابالارىمىزدىڭ اسىل ارمانىنا قول جەتكىزدىك. تۇڭعىش پرەزيدەنتىمىز، ەلباسى نۇرسۇلتان ءابىش ۇلى نازاربايەۆتىڭ تاۋەلسىزدىك العان كۇننەن باستاپ، دانا، كورەگەن، ساليقالى ساياساتىنىڭ ناتيجەسىندە ەلىمىز ىرگەسى بەرىك، بولاشاعى جارقىن، ءوركەنيەتتى ەلدەر دەڭگەيىنە جەتتى، - دەدى نۇرلان نىعماتۋلين.
سونىمەن قاتار، ءماجىلىس ءتوراعاسى، ەلباسىنىڭ ستراتەگيالىق دامۋ باعىتىن بۇگىندە مەملەكەت باسشىسى قاسىم-جومارت كەمەل ۇلى توقايەۆ ودان ءارى جالعاستىرىپ جاتقانىنا ەرەكشە نازار اۋداردى.
سونداي-اق نۇرلان نىعماتۋلين ءبىزدىڭ ەلىمىز وسى جىلدار ىشىندە زور تابىستارعا، شىنايى جەڭىستەرگە جەتكەنىن، بۇل بارلىق قازاقستاندىقتار ءۇشىن باعا جەتپەس بايلىق، زور ماقتانىش ەكەنىن ايتىپ، ەلىمىزگە بىرلىك پەن تىنىشتىق، حالقىمىزعامىقتى دەنساۋلىق جانە اماندىق تىلەدى.
پىكىر قالدىرۋ