«Nur Otan» رەسپۋبليكالىق سايلاۋالدى شتابىنىڭ مۇشەلەرى جامبىل وبلىسىنا باردى. ولار ونەركاسىپ كاسىپورىندارىنىڭ ۇجىمىمەن، شاعىن جانە ورتا بيزنەس وكىلدەرىمەن، اۋىل تۇرعىندارىمەن كەزدەسىپ، پارتيانىڭ سايلاۋالدى باعدارلاماسىن تالقىلادى.

تۇرعىندار جاستارعا قولداۋ كورسەتۋ، دەنساۋلىق ساقتاۋ سالاسىنىڭ ساپاسىن كوتەرۋ، مەملەكەتتىك ورگاندار جۇمىسىن جاقسارتۋ، اۋىل شارۋاشىلىعىن دامىتۋ سەكىلدى تاعى دا باسقا ماسەلەلەردى كوتەردى. پارتيا باسپا ءسوز قىزمەتىنىڭ حابارلاۋىنشا، اتالعان ۇسىنىستاردىڭ بارلىعى پرايمەريز بارىسىندا جۇرتشىلىقپەن كەڭىنەن تالقىلانعان سايلاۋالدى باعدارلامالاردا قامتىلعان.

ماسەلەن، وڭىردە 100-دەن استام اۋىلدى ساپالى اۋىز سۋمەن، گازبەن جانە كەڭ جولاقتى ينتەرنەتپەن قامتاماسىز ەتۋ جوسپارلانعان. سونداي-اق، 13 جاڭا مەكتەپ پەن وقۋشىلار سارايىن سالۋ كوزدەلىپ وتىر.

«قتج» لوكوموتيۆ دەپوسى مەن «قازفوسفات» مينەرالدى تىڭايتقىشتار زاۋىتىنىڭ ۇجىمىمەن كەزدەسۋدە ازاماتتاردى الەۋمەتتىك قولداۋ، تۇرعىن ۇيمەن قامتاماسىز ەتۋ، جاڭا جۇمىس ورىندارىن اشۋ ماسەلەلەرى تالقىلاندى.

«Nur Otan»-نىڭ سايلاۋالدى باعدارلاماسى اياسىندا 130 مىڭ جۇمىسسىز ادامدى ەڭبەك نارىعىنداعى سۇرانىسقا يە كاسىپتەرگە وقىتۋ كوزدەلگەن. سونىمەن بىرگە 150 مىڭ ادام «باستاۋ بيزنەس» جوباسى بويىنشا وقىتىلادى. ناقتى جامبىل وبلىسىندا وڭدەۋ ونەركاسىبى سالاسىندا 19 ينۆەستيسيالىق جوبانى ىسكە اسىرۋ جانە 8 جاڭا ءوندىرىستى ىسكە قوسۋ جوسپارلانۋدا. سونىڭ ناتيجەسىندە وڭىردە 5 جىل ىشىندە 84 مىڭداي جاڭا جۇمىس ورنى اشىلادى.

وبلىس سپورتشىلارىمەن كەزدەسۋ بارىسىندا رەسپۋبليكالىق سايلاۋالدى شتاب جەتەكشىسى باۋىرجان بايبەك بۇقارالىق سپورتتى دامىتۋ، اسىرەسە، بالالار اراسىندا سالاۋاتتى ءومىر سالتىن ناسيحاتتاۋ بويىنشا پارتيالىق باعدارلاماداعى نەگىزگى باسىمدىقتار جايىن ءسوز ەتتى.

جالپى، ۇلتتىق سپورت تۇرلەرى تىڭ قارقىن الادى. «Nur Otan» ات سپورتىن جانە باسقا دا باعىتتاردى ناسيحاتتاۋ مەن دامىتۋعا ىقپال ەتەدى.

«جاتتىقتىرۋشى-وقىتۋشىلاردىڭ جالاقىسى 2023 جىلعا قاراي 2 ەسە ارتادى. دەنە شىنىقتىرۋ مۇعالىمدەرىنە مەكتەپتەردە سپورت سەكسيالارىن ۇيىمداستىرىپ، جۇرگىزگەنى ءۇشىن بازالىق ەڭبەكاقىسىنا 100% مولشەرىندە قوسىمشا اقى كوزدەلەدى. ءاربىر اۋىلدىق وكرۋگتە سپورت ينسترۋكتورى لاۋازىمى ەنگىزىلەدى. بارلىق تىرەك اۋىلداردى قامتي وتىرىپ، بالالار-جاسوسپىرىمدەر كلۋبتارىنىڭ سانى مىڭعا دەيىن جەتكىزىلەدى. ەرەسەكتەر مەن ەرەكشە قاجەتتىلىگى بار بالالاردىڭ سپورتپەن شۇعىلدانۋلارىنا جاعداي جاسالادى. بىزبەن بىرگە بولىڭىزدار! جەڭىمپاز بولىڭىزدار! «Nur Otan»-عا داۋىس بەرىڭىزدەر!»، - دەدى باۋىرجان بايبەك.

كەزدەسۋ ناتيجەسىندە قاتىسۋشىلاردىڭ كوپشىلىگى «Nur Otan»-عا قولداۋىن ءبىلدىرىپ، الداعى سايلاۋدا پارتياعا داۋىس بەرۋگە نيەتتەنىپ وتىرعاندارىن جەتكىزدى.

«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى