2010 جىلى بولعان سوڭعى جالپىرەسەيلىك حالىق ساناعىنىڭ دەرەگىنە سايكەس، رەسەيدە 648 مىڭ ەتنيكالىق قازاق تۇرادى. بۇل – رەسەي حالقىنىڭ 0،45 پايىزى. قازاقتار رەسەيدەگى نەگىزگى ەتنوستار ءتىزىمىنىڭ وندىعىنا ەنگەن، دەپ جازادى kaztag.kz.

قازاقتار تۇركى حالىقتارى اراسىندا تاتار، باشقۇرت، چۋۆاشتاردان كەيىنگى 4-ورىندا.

شەكارالىق اۋداندارداعى قازاقتاردىڭ ۇلەسى جوعارىراق. ماسەلەن، استراحان وبلىسىندا 149 مىڭ قازاق (حالىق سانىنىڭ 16،79%-ى)، ورىنبور وبلىسىندا – 120 مىڭ (5،91%)، ومبى وبلىسىندا – 78 مىڭ (3،96%)، ساراتوۆ وبلىسىندا – 76 مىڭ  (3،01%)، التاي رەسپۋبليكاسىندا – 12،5 مىڭ قازاق (6،07%) تۇرادى.

قازاقستانمەن شەكارالاس اۋدانداردىڭ كەيبىرىندە قازاقتاردىڭ ۇلەسى تۇرعىنداردىڭ جارتىسىنان اسادى. استراحان وبلىسى ۆولودار مۋنيسيپالدىق اۋدانىنىڭ 68،2 پايىزى قازاقتار، ساراتوۆ وبلىسىنداعى الەكساندروۆو-گايسكيي اۋدانىندا 53،9 پايىز، التاي رەسپۋبليكاسىنداعى كوش-اگاچسكيي اۋدانىندا تۇرعىنداردىڭ 53،6 پايىزى قازاقتار.