اقش ۆيسە-پرەزيدەنتى مايك پەنس ۆاكسينانىڭ سەنىمدىلىگىن ارتتىرۋ جانە قوعاممەن بايلانىس جاساۋ ماقساتىندا جۇما كۇنى تىكەلەي ەفيردە COVID-19 ۆاكسيناسىن ەككىزەتىنى حابارلاندى.
اق ءۇيدىڭ كوروناۆيرۋستىق جەدەل توبىن باسقارعان پەنس ايەلى كارەن پەنسپەن بىرگە جاقىندا رەسمي ماقۇلدانعان "Pfizer-BioNTech" ۆاكسيناسىن ەككىزبەك.
اق ءۇي سارسەنبى كەشتە ەلەكتروندىق پوشتا ارقىلى جوسپارلارىن جاريالادى.
باس ارىپتەرمەن جازىلعان حاباردا "ۆيسە-پرەزيدەنت امەريكالىقتار اراسىندا سەنىم قالىپتاستىرۋ ءۇشىن COVID-19 ۆاكسيناسىن سالعىزادى" دەپ جازىلعان.
– 18 جەلتوقسان، جۇما كۇنى ۆيسە-پرەزيدەنت مايك پەنس پەن ەكىنشى حانىم كارەن پەنس ۆاكسينانىڭ قاۋىپسىزدىگى مەن تيىمدىلىگىن ناسيحاتتاۋ جانە امەريكالىقتار اراسىندا سەنىمدىلىكتى ارتتىرۋ ماقساتىندا COVID-19 ۆاكسيناسىن كوپشىلىك الدىندا ەككىزەدى، – دەلىنگەن اق ءۇيدىڭ حابارلاماسىندا.
ايتا كەتەيىك، 2 جەلتوقساندا "ترامپ كەلەسى اپتادا ۆاكسينا وندىرۋشىلەرمەن كەزدەسەدى" دەپ حابارلانعان. ودان كوپ وتپەي، ۆاشينگتون ۆاكسينانى شۇعىل قولدانۋعا رۇقسات بەردى. ىلە-شالا COVID-19 ۆاكسيناسى دۇيسەنبىدەن باستاپ قولدانىسقا ەنگىزىلەتىنى جاريالاندى.
پىكىر قالدىرۋ