دەنساۋلىق ساقتاۋ مينيسترلىگى كوروناۆيرۋس پەن پنيەۆمونيانىڭ تاۋلىكتىك ستاتيستيكاسىن جاريالادى.

سوڭعى تاۋلىكتە 652 ادام كوروناۆيرۋس ينفەكسياسىن جۇقتىرعان، 830 ادام ەمدەلىپ شىققان. 8 ادام قايتىس بولعان. 29 ادامنان پنيەۆمونيا انىقتالدى، 1 ادام كوز جۇمدى. 

قازىرگى تاڭدا 25 147 ادام كورونوۆيرۋس ينفەكسياسىنان ەمدەلۋدە، ولاردىڭ ىشىندە 4 375 پاسيەنت ستاسيوناردا، 20 772 ناۋقاس امبۋلاتوريالىق دەڭگەيدە ەم قابىلداۋدا. 249 ادامنىڭ جاعدايى اۋىر. 47 پاسيەنتتىڭ جاعدايى وتە اۋىر دەپ باعالانۋدا. 43 ناۋقاس ءوجج اپپاراتىندا جاتىر.

2020 جىلدىڭ 13 ناۋرىزىنان باستاپ 21 جەلتوقسانعا دەيىن 147 236 ادام Covid-19-بەن اۋىرعان، ونىڭ ىشىندە 2194 ادام قايتىس بولعان.

2020 جىلدىڭ 1 تامىزىنان باستاپ 21 جەلتوقسانعا دەيىن 44 414 ادام پنيەۆمونيا جۇقتىرعان، سونىڭ ىشىندە 475 ادام كوز جۇمعان.