كوروناۆيرۋستىڭ جاڭا مۋتاسيالىق ءتيپىنىڭ تارالۋىنا بايلانىستى الەمنىڭ 20 ەلى ۇلىبريتانيامەن اراداعى اۋە قاتىناسىن ۋاقىتشا توقتاتتى. بۇل تۋرالى 24.kz ارناسى حابارلادى. 

اتالعان 20 ەلدىڭ قاتارىندا نيدەرلاند، بەلگيا، فرانسيا، يرلانديا، يزرايل، گەرمانيا، يتاليا، ليتۆا، لاتۆيا، ەستونيا، اۆستريا، بولگاريا، تۇركيا، شۆەيساريا، حورۆاتيا، فينليانديا، ماروككو، كانادا، ارگەنتينا بار. ساۋد ارابياسى شەكارانى تولىعىمەن جابۋ تۋرالى شەشىم قابىلدادى. ۇلىبريتانيامەن اراداعى رەيستەردى توقتاتۋ تۋرالى ماسەلە شۆەسيا مەن ءۇندىستاندا شەشىلۋدە.

سونىمەن قاتار چەحيا مەن گرەكيا ۇلىبريتانيادان كەلەتىندەرگە مىندەتتى كارانتين ەنگىزدى، ال يسپانيادا ۇلىبريتانيادان كەلگەندەردە كوروناۆيرۋس تەستىنىڭ بولۋىن باقىلاۋدى كۇشەيتۋ تۋرالى شەشىم قابىلداندى.

كەشەگى تاۋلىكتە ۇلىبريتانيادا انتيرەكورد ورناپ، ءبىر كۇندە 36 مىڭ ادام ۆيرۋس جۇقتىرعان.