پاۆلودار وبلىسىندا تاسجولداعى جول-كولىك وقيعاسى سالدارىنان بەس ادام قازا تاپتى. بۇل تۋرالى  Polisia.kz حابارلادى.

20 جەلتوقساندا ساعات 13:05 شاماسىندا پاۆلودار – قىزىلوردا رەسپۋبليكالىق ماڭىزعا يە تاسجولىنىڭ 201 شاقىرىمىندا جول-كولىك وقيعاسى بولدى.  اپات سالدارىنان «Lada Granta» اۆتوكولىگىندە بولعان بەس ادام (جۇرگىزۋشى مەن ءتورت جولاۋشى، ولاردىڭ بىرەۋى جاس بالا) وقيعا ورنىندا قازا تاپتى. وقيعا ورنىندا جەدەل-تەرگەۋ توبى جۇمىس ىستەپ جاتىر. وقيعانىڭ ءمان-جايى مەن قازا تاپقان ادامداردىڭ جەكە باستارى انىقتالۋدا.

پاۆلودار وبلىسى دەنساۋلىق ساقتاۋ باسقارماسىنىڭ باسپا ءسوز حاتشىسى ەلميرا تەمىرعالييەۆانىڭ ايتۋىنشا، جول اپاتى سالدارىنان جاراقات العان تاعى ءبىر ايەل اۋرۋحاناعا جاتقىزىلدى.

– شامامەن 35، 40 جانە 45 جاستاعى ءۇش ەر ادامنىڭ، 40 جاستاعى ايەلدىڭ جانە بەس جاستاعى بالانىڭ بيولوگيالىق ءولىمى تىركەلدى.

1986 جىلى تۋعان ناۋقاس. وعان جابىق باس جاراقاتى، ميدىڭ شايقالۋى، ماڭداي ايماعىنىڭ كوگەرگەن جاراسى، كەۋدە قۋىسىنىڭ جاراسى دياگنوزى قويىلدى. سونداي-اق، وعان جامباس پەن كەۋدە قۋىسىنىڭ جابىق سىنۋى دياگنوزى قويىلعان. زارداپ شەگۋشى ەكىباستۇز قالالىق اۋرۋحاناسىنىڭ تراۆماتولوگيا بولىمشەسىندە جاتىر، - دەدى دەنساۋلىق ساقتاۋ باسقارماسىنىڭ وكىلى.