بۇگىندە «جاسىل ەكونوميكا» تەرمينى ءجيى قولدانىسقا يە. بۇل باعدارعا بەت بۇرۋ ەل ەكونوميكاسى مەن تۇرعىنداردىڭ تۇرمىسىن سالماقتاي وتىرىپ، قورشاعان ورتانىڭ جاقسارۋى مەن دامۋىنا سەرپىن بولىپ وتىر.

مەملەكەت باسشىسى قاسىم-جومارت توقايەۆ كەزەكتى جولداۋىندا «جاسىل» ەكونوميكاعا ەرەكشە تولتالىپ، سالانى مەيىلىنشە ىلگەرىلەتۋ كەرەگىن اتاپ ءوتتى. سونداي-اق، پرەزيدەنت ءقازىردىڭ وزىندە كومىرتەگىنىڭ ۇلەسىن بارىنشا ازايتىپ، ۇكىمەتكە «جاسىل ءوسىم» جونىندەگى ۇسىنىستار جيىنتىعىن ازىرلەۋمەن قاتار ەلدەگى ورماندى القاپتاردى كوبەيتۋ ءۇشىن 2 ملرد اعاش ەگۋدى تاپسىرعان ەدى.

جاسىل ەكونوميكاعا كوشۋ، ەڭ الدىمەن، الماتى سەكىلدى ۇلكەن قالالار ءۇشىن ماڭىزعا يە. سەبەبى حالقى تىعىز ورنالاسقان ءىرى قالالاردىڭ ەكولوگيالىق جاعدايى كۇن كەزەگىندە تۇرعان ماسەلەلەردىڭ ءبىرى بولىپ ەسەپتەلەدى. الماتى قالاسىندا جاسىل قوردى ۇلعايتۋ بويىنشا اۋقىمدى جۇمىستار جالعاسۋدا. اتالمىش قالادا «جاسىل الماتى» باعدارلاماسىن جۇزەگە اسىرۋ باستالعان بولاتىن. جوباعا بويىنشا ءۇش جىل ىشىندە ميلليون اعاش وتىرعىزىلۋ كوزدەلگەن.  باعدارلاما نەگىزىندە 2019 جىلى 135 مىڭ اعاش ەگىلسە، بيىل ونىڭ سانى 282 مىڭدى شامالاعان. ال كوگالداندىرۋ الاڭى دا وتكەن جىلمەن سالىستىرعاندا 1 شارشى مەترگە جۋىق ۇلعايعان.

وسى تۇرعىدا بيىلدىڭ وزىندە الماتى قالاسى جاسىل ەكونوميكا باسقارماسى قالاداعى ەكواحۋالدى جاقسارتۋ بىرنەشە ىستەردىڭ باسىن قايىرىپ ۇلگەرگەن. مىسالى، اتالمىش باسقارما جىل باسىنان بەرى جاسىل ەكونوميكانى دامىتۋ جولىنا 3 ملرد 447 ملن تەڭگە قارجى بولگەن. ەڭ كولەمدىسى – «ساڭىراۋلار كوعامى» ەكەن. 

شاھارداعى ەكواحۋالدى جاقسارتۋ جۇمىسى بويىنشا 27 قازاندا الماتى قالالىق جاسىل ەكونوميكا باسقارماسى قىزمەتكەرلەرىنىڭ باس قوسۋى وتكەن. جينالىستىڭ ماقساتى اباي داڭعىلىمەن دوستىق پەن بايتۇرسىنوۆ كوشەسىنە دەيىنگى ايماقتاعى اعاشتاردىڭ جاعدايىن زەرتتەۋ بولاتىن. زەرتتەۋ ناتيجەسىندە كوشە بويىندا 306 اعاش، ونىڭ 254 – قىلقان جاپىراقتى، 26 – جاپىراقتى، 24 – جەمىستى اعاشتار جانە 2 – بۇتالار ەكەنى انىقتالعان. اتالعان ايماقتا ورنالاسقان اعاشتاردىڭ جاعدايى جارامسىزدارى بار ەكەنى بەلگىلى بولعان. جول بويىنداعى 306 اعاشتىڭ قۋراعان 47-ەۋى كەسىلىپ، 23ء-ى باسقا اۋداندارعا جونەلتىلگەن.

سونداي-اق  «ECO FUND TABIGAT» جەكەمەنشىك قورى «الماتى قاراعايلى ورمانى» جوباسىن ىسكە اسىرماق. وعان قالا تۇرعىندارى دا قاتىسا الادى. جوبا اياسىندا الماتى قالاسى الاتاۋ اۋدانىندا 470-تەن اسا قىلقان جاپىراقتى اعاشتار وتىرعىزۋ جوسپارلانعان.

الماتىداعى ەڭ جاس اۋدانداردىڭ الاتاۋ اۋدانىنداعى ابباتتاندىرۋ جۇمىستارى ۇنەمى نازاردا. بيىل كوگالداندىرۋ جۇمىستارى بويىنشا اۋداندا 205 اۋلا، 9 سۆەر جوندەۋدەن ءوتىپ، 5 بوس ۋچاسكى مەن 2 جاعالاۋ ايماقتارى اباتتاندىرىلعان. ال 10 ىقشاماۋدانىندا جوبا بويىنشا جاياۋ جۇرگىنشىلەر جولىنا جوندەۋ جۇمىستارى ىسكە اسىرىلعان.

ساراپشىلاردىڭ پىكىرىنشە، اكىمدىك قابىلداعان شارالار اۋانىڭ گازدانۋىن بىرنەشە ەسە ازايتۋعا جانە قالا ۇستىندە ءىلىنىپ تۇرعان ءتۇتىن بۇلتتارىن تاراتۋعا كومەكتەسەدى.