2020 جىلى دۇنيەنى وزعان بەلگىلى ازاماتتار.
دۋلات ءاعادىل (16.02.1977-25.02.2020جج)
2020 جىلدىڭ 25 اقپانىندا قوعام بەلسەندىسى دۋلات ءاعادىل 43 جاسىندا نۇر-سۇلتانداعى تەرگەۋ يزولياتورىندا قايتىس بولدى. رەسمي دەرەككە ساي ول جۇرەك تالماسىنان كوز جۇمعان.
بەيسەن قۇرانبەك (06.12.1977-18.05.2020جج)
2020 جىلدىڭ 18 مامىرىندا تانىمال تەلەجۇرگىزۋشى، "جەتىسۋ" تەلەارناسىنىڭ ديرەكتورى بەيسەن قۇرانبەك قاتەرلى ىسىكتەن قايتىس بولدى. قىرقى بولاتىن كۇنى مارقۇمنىڭ اناسى، ال 24 قىركۇيەكتە اكەسى دۇنيە سالدى.
قۋاندىق شاماحاي ۇلى (01.01.1961-29.06.2020جج)
2020 جىلدىڭ 29 ماۋسىمىندا بەلگىلى جازۋشى، جۋرناليست قۋاندىق شاماحاي ۇلى اۋرۋحانادا قايتىس بولدى. 23 ماۋسىم كۇنى كوروناۆيرۋس دەگەن كۇدىكپەن اۋرۋحاناعا جاتقىزىلعان جازۋشىعا «اۋىر دارەجەدەگى ەكىجاقتى پوليسەگمەنتالدى پنيەۆمونيا» دەگەن دياگنوز قويىلعان.
ءابدۋعاپپار سمانوۆ (22.02.1970-01.07.2020جج)
2020 جىلدىڭ 1 شىلدەسىندە يسلام ءدىنىنىڭ تانىمال ۋاعىزشىسى، "سارىاعاش" مەدرەسە كوللەدجنىڭ ديرەكتورى ابدۋعاپپار سمانوۆ پنيەۆمونيادان قايتىس بولدى. 5 شىلدە كۇنى مارقۇمنىڭ تۋعان اعاسى ءابدىجاپپار شاكىر ۇلىنىڭ ۇلى زاكاريا سمانوۆ ومىردەن وزدى.
مۇرات مۇقاشيەۆ (07.09.1968-05.07.2020جج)
2020 جىلدىڭ 5 شىلدەسىندە قازاقستاندىق تانىمال اكتەر جانە كاسكادەر مۇرات مۇقاشيەۆ پنيەۆمونيادان قايتىس بولدى.
بەرىك ىسمايىلوۆ (15.03.1962-07.07.2020جج)
2020 جىلدىڭ 7 شىلدەسىندە بەلگىلى كيىم ديزاينەر، مودەلەر-كونسترۋكتور، حالىقارالىق ديزاينەرلەر قاۋىمداستىعىنىڭ مۇشەسى، "بەرىك ىسمايىلوۆ" اۆتورلىق ءسان سالونىنىڭ ديرەكتورى بەرىك ىسمايلوۆ كوروناۆيرۋستان قايتىس بولدى.
دارحان دايىربەك (01.01.1969-08.07.2020جج)
2020 جىلدىڭ 8 شىلدەسىندە تەاتر جانە كينو اكتەرى، "تەرىسقاقپاي" ءازىل-سىقاق تەاترىنىڭ ءارتىسى دارحان دايىربەك كوروناۆيرۋستان قايتىس بولدى.
كەڭەس دۇيسەكەيەۆ (10.02.1946-09.07.2020جج)
2020 جىلدىڭ 9 شىلدەسىندە قازاقستاننىڭ ەڭبەك سىڭىرگەن ونەر قايراتكەرى، كومپوزيتور كەڭەس دۇيسەكەيەۆ قايتىس بولدى.
جاقسىلىق ۇشكەمپىروۆ (06.05.1951-02.08.2020)
2020 جىلدىڭ 2 تامىزىندا قازاقستاننىڭ گرەك-ريم كۇرەسiنەن تۇڭعىش وليمپيادا چەمپيونى، الەم چەمپيونى، قازاقستاننىڭ ەڭبەك ەرi، "بارىس"، "قۇرمەت"، "پاراسات" وردەندەرىنىڭ يەگەرى جاقسىلىق ۇشكەمپiروۆ قايتىس بولدى.
ايسۇلتان راحات (26.08.1990-16.08.2020جج)
2020 جىلدىڭ 16 تامىزعا قاراعان ءتۇنى لوندون قالاسىندا قازاقستاننىڭ ەكس-پرەزيدەنتى نۇرسۇلتان نازاربايەۆتىڭ جيەنى ايسۇلتان راحات قايتىس بولدى.
2020 جىلدىڭ 10 قاراشاسىندا ازاماتتىق بەلسەندى مارقۇم دۋلات ءاعادىلدىڭ ۇلى جانبولات ءاعادىل 17 جاسىندا پىشاق جاراقاتىنان قايتىس بولدى.
پىكىر قالدىرۋ