ءبىلىم جانە عىلىم مينيسترلىگىنىڭ اپپارات جينالىسىندا مەكتەپكە دەيىنگى، ورتا جانە تەحنيكالىق جانە كاسىپتىك ءبىلىم بەرۋ ۇيىمدارىندا مەملەكەتتىك ءتىلدى دامىتۋ ماسەلەلەرى قارالدى.
ۆيسە-مينيستر شولپان تاڭات قىزى بالاباقشادا قازاق تىلىندە ءبىلىم بەرۋ 33،1 پايىزعا ارتقانىن، قازاقشا ءبىلىم الاتىن وقۋشىلاردىڭ 66 پايىزعا جەتكەنىن اتاپ ءوتتى.
مينيستر اسحات ايماعامبەتوۆ مەكتەپتە 11 جىل قازاق ءتىلى وقىتىلاتىنىنا قاراماستان كەي وقۋشىلار ءتىلدى مەڭگەرمەي شىعاتىن جاعداي ءالى دە بار ەكەنىن ايتىپ، مۇنداي ماسەلەلەردى شەشۋگە جۇيەلى شارالار قولدانىلۋ كەرەكتىگىنە نازار اۋداردى.
ونىڭ سوزىنشە، ءتىل كوميتەتىنىڭ ءبىلىم جانە عىلىم مينيسترلىگىنە بەرىلۋى قازاق ءتىلىن مەڭگەرۋ ماسەلەسىن ءبىلىم بەرۋ ۇيىمدارىندا كۇشەيتۋ ماقساتىنان تۋىپ وتىر.
– مەملەكەت باسشىسى قاسىم-جومارت كەمەل ۇلى توقايەۆتىڭ قازاق ءتىلى ۇلتارالىق تىلگە اينالۋعا ءتيىس دەگەن تاپسىرماسى بار. مۇنى بالاباقشا مەن مەكتەپتەردەن باستايمىز. ءتىل كوميتەتىنىڭ ءبىلىم جانە عىلىم مينيسترلىگىنە ءوتۋى وسى جۇمىستى ۇيلەستىرۋگە، جۇيەلەۋگە باعىتتالعان. ءبىلىم بەرۋ ۇيىمدارىندا قازاق ءتىلىن ۇيرەتۋگە ارنالعان ادىستەمەنى جەتىلدىرىپ، جۇيەلەپ، ماسەلەنى شەشۋىمىز كەرەك. بۇل كەلەر جىلدىڭ باستى جۇمىسى بولماق، – دەدى مينيستر.
پىكىر قالدىرۋ