«Nur Otan»-نىڭ رەسپۋبليكالىق سايلاۋالدى شتابى ماڭعىستاۋ وبلىسىنا كەلدى. كۇنى بويى بيلەۋشى پارتيا وكىلدەرى ايماقتاعى اۋىلدار مەن قالالاردىڭ تۇرعىندارىمەن، سونداي-اق ونەركاسىپتىك كاسىپورىندار قىزمەتكەرلەرىمەن جانە تاعى باسقا دا ازاماتتارمەن كەزدەستى.

«ماەك-قازاتومونەركاسىپ» ەنەرگەتيكالىق كومبيناتىنىڭ ۇجىمىمەن كەزدەسۋدە ەڭبەك قاۋىپسىزدىگى جاعدايلارىن جاقسارتۋ جانە وندىرىستىك جاراقاتتى ازايتۋ بويىنشا پارتيا ۇسىنعان شارالاردى تالقىلادى. زاڭناماعا ەڭبەك داۋلارى مەن جانجالدارىن شەشۋ ءتارتىبىن جەڭىلدەتۋ، ەڭبەك زاڭناماسىن بۇزاتىن ادامداردىڭ جاۋاپكەرشىلىگىن قاتاڭداتۋ بويىنشا تۇزەتۋلەر ەنگىزۋ تۋرالى «Nur Otan»-نىڭ باستاماسى قولداۋعا يە بولدى.

ءبىرقاتار ناقتى ۇسىنىستار ايتىلدى. مىسالى، ايبولات شاراۋ ماڭعىستاۋ تۇرعىندارىنىڭ اتىنان ءوڭىردىڭ باستى ەكولوگيالىق پروبلەمالارىنىڭ ءبىرى – «قوشقار اتا» قۇرامىندا ۋران بار قالدىقتار قويماسىن رەكۋلتيۆاسيالاۋ قاجەتتىگى ماسەلەسىن كوتەردى. ۇزاق جىلدار بويى شەشىمىن تاپپاعان بۇل پروبلەمانىڭ حالىق دەنساۋلىعىنا ءقاۋىپ توندىرەتىنى ەسكەرىلىپ، پارتيا ونى مىندەتتى تۇردە ورىندالۋى ءتيىس ماسەلە رەتىندە ايماقتىق سايلاۋالدى باعدارلاماسىنا ەنگىزدى.

سونداي-اق، «Nur Otan» 25 ەلدى مەكەننىڭ 35 مىڭعا جۋىق تۇرعىنىن ساپالى اۋىز سۋمەن قامتاماسىز ەتۋ، 18 جاڭا مەكتەپ سالۋ ارقىلى ءۇش اۋىسىمدى مەكتەپ پروبلەماسىن شەشۋ، وڭدەۋ ونەركاسىبىنىڭ 14 كاسىپورنىن اشۋ جانە 70 مىڭنان استام جاڭا جۇمىس ورىنىن قۇرۋ جانە ت.ب. جوسپارلاۋدا.

وسى كۇنى سايلاۋالدى شتاب مۇشەلەرى اتاجۇرتقا ورالىپ، مۇنايلى اۋدانى ماڭعىستاۋ كەنتىنە قونىس تەپكەن قانداستارمەن دە جۇزدەستى.

ەلباسى، پارتيا ليدەرى نۇرسۇلتان نازاربايەۆتىڭ تاپسىرماسىنا سايكەس، تاريحي وتانىنا ورالۋعا بەل بۋعان قانداستارعا اقپاراتتىق-قۇقىقتىق قولداۋدى كۇشەيتۋ، سونىمەن بىرگە ولاردى وقىتۋ مەن الەۋمەتتىك بەيىمدەۋ دە پارتيا جوسپارىندا بار. وسىعان وراي كورسەتىلەتىن قولداۋ دا جەدەل ءارى وڭتايلى بولا تۇسەدى.

تۇرعىندارمەن بىرگە ءبىرقاتار وزەكتى ماسەلەلەر مەن ولاردى شەشۋ جولدارى تالقىلاندى. اتاپ ايتقاندا، «Nur Otan»-نىڭ سايلاۋالدى باعدارلاماسى اياسىندا اۋىلدا وتە قاجەت بولىپ وتىرعان 150 ورىندىق كوپسالالى اۋرۋحانا سالىنادى.

بۇدان سوڭ پارتيا وكىلدەرى بەلگىلى ساۋلەتشى، قارىمدى قالامگەر، قازاقستاننىڭ ەڭبەك سىڭىرگەن قايراتكەرى، سايىن نازاربەكتىڭ ۇيىنە ارنايى بارىپ، سالەم بەردى.

وسى ورايدا، رەسپۋبليكالىق سايلاۋالدى شتاب جەتەكشىسى باۋىرجان بايبەك اعا بۋىنعا قامقورلىق تانىتۋ ءاردايىم «Nur Otan»-نىڭ باستى نازارىندا بولاتىنىن باسا ايتتى.

ماسەلەن، «ارداگەرلەردى ارداقتايىق» پارتيالىق جوباسى شەڭبەرىندە جالعىزباستى جانە ەگدە تارتقان مۇقتاج جاندارعا اتاۋلى كومەك كورسەتۋ كوزدەلۋدە. ءار وڭىردە بەلسەندى ۇزاق ءومىر ءسۇرۋ ورتالىقتارى اشىلادى.

سونداي-اق، «Nur Otan» پارتياسى قارت كىسىلەردى ەمدەۋگە ماماندانعان مەديسينالىق مامانداردى دايىنداۋدى ۇيىمداستىرۋ ماسەلەسىن دە قولعا الادى.

«ءبىز سايلاۋالدى ۋادەلەر اياسىندا جىل سايىن ىنتىماقتى زەينەتاقىنى يندەكساسيالاپ، ونى ينفلياسيا دەڭگەيىنەن 2% جوعارى ەتۋ ماقساتىن قويىپ وتىرمىز. زەينەتاقىنى تاعايىنداۋ مەن رەسىمدەۋگە قاتىستى بارلىق ۇردىستەر پرواكتيۆتى فورماتقا كوشە وتىرىپ، ەلەكتروندى تۇردە كورسەتىلۋى ءتيىس»، - دەپ اتاپ ءوتتى باۋىرجان بايبەك.

پارتيا باسپا ءسوز قىزمەتىنىڭ مالىمەتىنە سايكەس، بۇگىن «Nur Otan»-نىڭ ۇگىت-ناسيحات ناۋقانىنىڭ 2ء-شى كەزەڭى باستالعان. بۇل رەتتە بيلەۋشى پارتيانىڭ الداعى 5 جىلعا ارنالعان جوسپارلارى، سونداي-اق وڭىرلىك پرايمەريز قورىتىندىسى بويىنشا كانديداتتار تىزىمىنە ەنگەن ايماقتىق كوشباسشىلار تۋرالى ەگجەي-تەگجەيلى اقپارات قامتىلعان 2 ملن-نان استام ۇگىت ونىمدەرىن تاراتۋ جوسپارلانۋدا.

«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى