"Qazaqstan" ۇلتتىق تەلەارناسىندا پارلامەنت ءماجىلىسى سايلاۋىنا قاتىسۋشى پارتيالار اراسىندا وتكەن تەلەدەباتتا Nur Otan پارتياسىنىڭ مۇشەسى ايدوس سارىم Nur Otan پارتياسى وزگەرگەنىن، سول ارقىلى ەلدى وزگەرتكىسى كەلەتىنىن ايتتى.

ونىڭ سوزىنشە، بۇگىنگىدەي پاندەميا كەزىندە، گەوساياسات وزگەرگەن شاقتا قازاقستان قيىن جاعدايدا تۇر. "سوندىقتان كەز كەلگەن ەستى ازامات ەلىنىڭ كەلەشەگىنە الاڭداۋشىلىق بىلدىرۋگە ءتيىس. Nur Otan پارتياسى وزگەردى. ەندى ەلىمىزدى وزگەرتىپ رەفورما جاساعىمىز كەلەدى" دەدى ساياساتتانۋشى.

پارتيا وكىلى بيلىكتى سىنايتىنداردى ەلدى بىرلەسىپ رەفورمالاۋعا شاقىردى.

"Qazaqstan" ۇلتتىق تەلەارناسىندا پارلامەنت ءماجىلىسى سايلاۋىنا قاتىسۋشى پارتيالار اراسىندا تەلەدەبات ءوتىپ جاتىر. ۇمىتكەر پارتيا وكىلدەرى ۇلتتىق ارنانىڭ «اشىق الاڭ»  باعدارلاماسى اياسىندا تىكەلەي ەفيردە 1 ساعات بويى ءوز سايلاۋالدى باعدارلامالارىن قورعاپ، قارسىلاس پارتيالارمەن اشىق ديسكۋسسيا قۇرىپ، سايلاۋشىلار تاراپىنان كەلىپ تۇسكەن سۇراقتارعا جاۋاپ بەرەدى.