Tesla كومپانياسىنىڭ نەگىزىن قالاۋشى يلون ماسك Tesla-نى Apple كومپانياسىنا ساتپاق بولعان. ءبىراق ۇيالى تەلەفون شىعاراتىن الپاۋىت فيرمانىڭ باس ديرەكتورى تيم كۋك كەزدەسۋدەن باس تارتقان.
ماسك Tesla Model 3 ەلەكتروموبيلىن جاساۋ كەزىندە قارجىلىق قيىندىقتارعا تاپ بولعان Tesla-نى Apple-گە ساتۋ مۇمكىندىگىن تالقىلاۋدى جوسپارلاعانىن ايتتى.
سول كەزدە تەسلا 60 ميلليارد دوللارعا باعالانعان بولاتىن، ءبىراق ءقازىر ول قۇننان 10 ەسە اسىپ ءتۇستى.
"3-مودەل باعدارلاماسىنىڭ قيىن قىستاۋ كۇندەرىندە مەن تيم كۋككە Appleء-دىڭ Tesla-نى ساتىپ الۋ مۇمكىندىگىن تالقىلاۋ ءۇشىن حابارلاستىم (قازىرگى قۇنىمىزدىڭ 1/10 بولىگىنە). ول كەزدەسۋدەن باس تارتتى" دەپ جازدى ماسك Twitter پاراقشاسىندا.
ءبىر قىزىعى، Reuters اقپاراتىنا سايكەس، Apple كومپانياسى 2024 جىلعا قاراي ءوزى باسقارىلاتىن ەلەكتروموبيل جاساۋدى جوسپارلاپ وتىر. "بۇل Tesla كومپانياسىنا باسەكەلەس بولۋى مۇمكىن" دەيدى ساراپشىلار. ال، ماسكتىڭ Twitter-دەگى جازباسى Apple كومپانياسىنىڭ جاڭا جوباسى تۋرالى اقپارات جاريالانعان سوڭ پايدا بولدى.
پىكىر قالدىرۋ