قىتاي-رەسەي بىرىككەن بومبالاۋشى ۇشاقارى داۋلى تەڭىزدەردىڭ ۇستىنەن ۇشىپ ءوتتى. بۇل تۋرالى Business Insider باسىلىمى حابارلادى. كوپ وتپەي جاپونيا مەن وڭتۇستىك كورەيا جويعىش ۇشاقتارىن ولارعا قارسى جۇمىلدىرعانى ءمالىم بولدى.
جۇڭگو مەن رەسەي اسكەري قارىم-قاتىناستارىن كۇشەيتتى. ەكى الپاۋىت ەل تىنىق مۇحيت كەڭىستىگىنە بومبالاۋشىلار جىبەرىپ، قارۋلى قاقتىعىس ۇرەيىن كۇشەيتتى.
قىتايدىڭ H-6K بومبالاۋشىلارىنىڭ تورتەۋى جانە رەسەيلىك ەكى تۋ-95 ستراتەگيالىق بومبالاۋشىلارى شىعىس جۇڭگو تەڭىزى مەن جاپونيا تەڭىزى ۇستىنەن ۇشىپ وتكەن. مۇنى رەسەيلىك اسكەريلەر راستادى. رەسەيدىڭ قورعانىس مينيسترلىگى بۇل اسكەري وپەراسيانى ماسكەۋ مەن بەيجىڭ اراسىنداعى قارىم-قاتىناستى جاقسارتۋ ارەكەتى دەپ جاريالادى.
وندا "رەسەي مەن قىتايدىڭ جان-جاقتى سەرىكتەستىگىن دامىتۋ جانە تەرەڭدەتۋ، ەكى اسكەري كۇش اراسىنداعى ىنتىماقتاستىق دەڭگەيىن ودان ءارى ارتتىرۋ، ولاردىڭ بىرلەسكەن ءىس-قيمىل قابىلەتتەرىن كەڭەيتۋ جانە ستراتەگيالىق تۇراقتىلىقتى نىعايتۋ" كوزدەلگەنى ايتىلعان.
مينيسترلىك پاترۋلدىك رەيس "ءۇشىنشى ەلدەرگە قارسى باعىتتالماعان" دەپ قوستى.
ال، رەسەي پرەزيدەنتى ۆلاديمير پۋتين قازان ايىندا بەيجىڭ-ماسكەۋ اسكەري سەرىكتەستىگىن جوققا شىعارمايتىنىن مالىمدەگەن.
پىكىر قالدىرۋ