ماقان ەسبولاتوۆ اتىنداعى الماتى ءىىم اكادەمياسىنىڭ كۋرسانتى سالامات وتەگەنوۆتىڭ قازا بولۋىنا بايلانىستى، الماتى قالاسىنىڭ پوليسيا دەپارتامەنتى ق ر قك 105-بابى "ءوزىن-وزى ولتىرۋگە دەيىن جەتكىزۋ" بويىنشا سوتقا دەيىنگى تەرگەۋ جۇرگىزۋدە، ونىڭ بارىسىندا قازا تاپقان ادامنىڭ تۋىستارى بايانداعان بارلىق دالەلدەر تەكسەرىلەدى، دەپ حابارلادى ىشكى ىستەر مينيسترلىگىنىڭ باسپا ءسوز قىزمەتى.
وقۋ ورنىنا ىشكى ىستەر مينيسترلىگىنىڭ كادر ساياساتى جانە وزىندىك قاۋىپسىزدىك دەپارتامەنتتەرىنىڭ باسشىلىعى مەن جاۋاپتى قىزمەتكەرلەرىنەن ارنايى توپ جىبەرىلدى.
تەكسەرۋ قورىتىندىسى بويىنشا ىىم-دە تارتىپتىك كوميسسيا وتىرىسى ءوتتى.
"ىشكى ىستەر ءمينيسترىنىڭ بۇيرىعىمەن سەنىپ تاپسىرىلعان بولىمشەدە جۇمىستى ۇيىمداستىرۋعا ءتيىستى باقىلاۋدىڭ جوقتىعى ءۇشىن اتقارىپ وتىرعان لاۋازىمدارىنان اكادەميا باستىعى و.ح.سمايىلوۆ بوساتىلدى، سونداي-اق ونىڭ تاربيە-يدەولوگيالىق جانە كادر جۇمىسىنا جەتەكشىلىك ەتەتىن ورىنباسارى بوساتۋعا ۇسىنىلدى. سونىمەن قاتار، اكادەميانىڭ تاعى 16 جاۋاپتى قىزمەتكەرى قاتاڭ تارتىپتىك جاۋاپكەرشىلىككە تارتىلدى، ولاردىڭ 5ء-ى اتقارىپ وتىرعان لاۋازىمدارىنان بوساتىلدى" دەلىنگەن باسپا ءسوز قىزمەتى تاراتقان حابارلامادا.
اكادەميانىڭ وقۋ پروسەسىن، تۇرمىستىق جاعدايلارىن، مورالدىق-پسيحولوگيالىق احۋالىن، قارجى-شارۋاشىلىق قىزمەتىن كەشەندى تەكسەرۋ تاعايىندالدى. وقۋ ورنىنا مينيسترلىكتىڭ ىشكى اۋديت، كادر ساياساتى جانە وزىندىك قاۋىپسىزدىك دەپارتامەنتتەرىنىڭ قىزمەتكەرلەرى جىبەرىلدى.
ۆەدومستۆودا اتاپ وتكەندەي، مينيستر ەرلان تۇرعىمبايەۆتىڭ تاپسىرماسى بويىنشا وسىنداي تەكسەرۋلەر 2021 جىلدىڭ 1 توقسانىندا ءىىم-نىڭ بارلىق وقۋ ورىندارىندا جۇرگىزىلەدى.
پىكىر قالدىرۋ