20 جەلتوقساندا سايلاۋالدى ۇگىت جۇمىستارىنىڭ قارقىندى جۇرگىزىلۋىن قولعا العان «Nur Otan» پارتياسىنىڭ سايلاۋالدى شتابى قاراتال اۋداندىق مادەنيەت ۇيىندە ۇشتوبە باستاۋىش پارتيا ۇيىمدارىمەن كەزدەسۋ وتكىزدى.

وعان قاراتال اۋداندىق ءماسليحات دەپۋتاتتىعىنا ۇمىتكەر كانديداتتار بۋلاۆين الەكساندر بوريسوۆيچ پەن بلاسوۆ بەكەت جايلاۋبەك ۇلى، اۋداندىق سايلاۋالدى شتاب ءتوراعاسى تەڭەلبايەۆ جاندوس قاسقىربەك ۇلى سونداي-اق، ءماجىلىس دەپۋتاتتىعىنا ۇمىتكەر كانديداتتار نەستەروۆ كونستانتين ميحايلوۆيچ پەن كاريموۆ دوسجان ەلجان ۇلى قاتىستى.

وتىرىستا تالقىلانعان باستى ماسەلە – پارتيانىڭ سايلاۋالدى باعدارلاماسىن نەگىزگە الىپ، ۇگىت-ناسيحات جۇمىستارىن جۇرگىزۋ.

كەزدەسۋ بارىسىندا تۇرعىنداردىڭ كوكەيىندە جۇرگەن ماڭىزدى ماسەلەلەردىڭ شەشىلۋ جولدارى باستى نازارعا الىنىپ، تالاپ-تىلەكتەرى دە جاۋدىرىلدى. تىرناقشاعا الىنعان ماسەلە: اۋدانعا گاز تارتۋ ماسەلەسى بويىنشا اتقارىلىپ جاتقان جۇمىستارعا قاتىستى سۇراقتار بولدى. بۇل ساۋالعا تەڭەلبايەۆ جاندوس قاسقىربەك ۇلى ءوز كەزەگىندە قانابەك اۋىلىنا گاز تارتۋ جۇمىستارىنىڭ قارقىندى قولعا الىنىپ جاسالعاندىعى جايلى ايتىپ ءوتىپ، اۋدان ورتالىعى – ۇشتوبە قالاسىنا وسى جىلى اتالمىش گاز تارتۋ ماسەلەسى باستى جوسپارعا الىنىپ، جۇزەگە اساتىنى جايلى ايتىپ ءوتتى.

سونىمەن قاتار اۋداننىڭ پارتيالىق تىزىمىندەگى كانديداتتار بوقباساروۆ ءادىل ابەن ۇلى، راحمەتقازينوۆ نۇرجان نۇرلان ۇلى، ەستەۋوۆ بولات تولەۋعازى ۇلى، قاليمولدينا اجار ءنۇرسالىم قىزى، جۇمانوۆ ءىلياس بەيسەمباي ۇلى «لاد» جك-نىڭ ەڭبەك ۇجىمىمەن دە ۇگىت جۇمىستارىن جۇرگىزىپ، سايلاۋالدى باعدارلامانىڭ شارتتارىمەن تانىستىرىپ الداعى ماقسات-جوبالاردان حاباردار ەتتى.

سونداي-اق باسقا دا ءبىرقاتار سايلاۋالدى ۇگىت-ناسيحات جيىندارى ءالى دە جوسپارعا الىنىپ، كوپتەگەن ۇيىمدارمەن، شارۋا قوجالىقتارى جانە حالىق كوپ شوعىرلانعان ورىنداردا ۇيىمداستىرىلاتىندىعىن ايتامىز. ءبىزدىڭ ورتاق ماقسات – ءاربىر تۇرعىننىڭ ءومىر ءسۇرۋ دەڭگەيىن جاقسارتۋ، وسى تۇرعىدا ءاربىر قازاقستاندىقتى داۋىس بەرۋگە شاقىرامىز. «قيىندىقتى ەڭسەرىپ، جەڭىسكە بىرگە جەتەمىز!»، «ءبىزدىڭ ءداۋىسىمىز-بىزدىڭ بولاشاعىمىز!»

«Nur Otan» پارتياسى الماتى وبلىسى قاراتال اۋداندىق فيليالىنىڭ باسپا ءسوز قىزمەتى