ارمەنياداعى وپپوزيسيالىق "وتاندى قۇتقارۋ قوزعالىسىنىڭ" وكىلدەرى تاعى دا نارازىلىق ءبىلدىردى. ولار بيلىك ۆوروتان اۋىلى اۋماعىن ازەربايجانعا "تاپسىرادى" دەپ مالىمدەدى. بۇل تۋرالى aze.az سايتى حابارلادى.
ارميان دەرەككوزدەرىنە سۇيەنسەك، ۆوروتان اۋىلدىق اكىمشىلىگىنىڭ باسشىسى سۋريك وگادجانيان بۇل اۋماققا Gps كومەگىمەن كەلگەن ازەربايجان اسكەري قىزمەتشىلەرى دەماركاسيا جۇرگىزگەنىن جانە ونىڭ بارىسىندا ۇيلەردىڭ ءبىرى ازەربايجان جاعىندا ەكەنى بەلگىلى بولعانىن ايتتى.
س.وگادجانياننىڭ ايتۋىنشا، كەلىسسوزدەر ۇزاققا سوزىلعان. قابىلداعان شەشىم بويىنشا، ەكى تاراپ ماسەلە جوعارى دەڭگەيدە تالقىلانعانعا دەيىن اۋماقتى تاستاپ كەتۋى كەرەك. ول اۋىلدا دۇربەلەڭ بولعانىن اتاپ ءوتتى، ويتكەنى تۇرعىندار اۋماقتى مەتر بويىنشا قالاي جالعا الۋعا بولاتىنىن تۇسىنبەيدى.
پرەمەر-مينيستر نيكول پاشينيان ارمياندار ازەربايجان مەن ارمەنيا اراسىنداعى شەكارا قالپىنا كەلتىرىلىپ جاتقانىن قابىلداۋعا ءماجبۇر بولاتىنىن بىرنەشە رەت حابارلاعان. باسىلىمنىڭ ايتۋىنشا، ازەربايجان جەرلەرىن جاۋلاپ الۋدىڭ ۇزاق جىلدارىندا ارمياندار بۇل اۋماقتار ولارعا ماڭگى ءوتتى دەپ شەشىپ ءۇي تۇرعىزعان. ەندى ولار قالاي ءومىر سۇرەتىنىن تۇسىنبەي، قايعىرىپ، جىلايدى.
پىكىر قالدىرۋ