2021 جىلعى 1 قاڭتاردان باستاپ ايلىق ەسەپتىك كورسەتكىش (اەك) 2917 تەڭگە مولشەرىندە بەلگىلەندى. سوعان وراي زەينەتاقى، جاردەماقى، وزگە دە الەۋمەتتىك تولەمدەر، سالىقتار مەن ايىپپۇلدار مولشەرى وزگەرەدى.

اتاپ ايتقاندا، 2021 جىلدىڭ 1 قاڭتارىنان:

– جالاقىنىڭ ەڭ تومەنگى مولشەرى – 42 500 تەڭگە؛

– مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى – 18 524 تەڭگە؛

– زەينەتاقىنىڭ ەڭ تومەنگى مولشەرى – 43 272 تەڭگە بولادى.

ال جاردەماقىلاردى جانە وزگە دە الەۋمەتتىك تولەمدەردى ەسەپتەۋ، سونداي-اق قازاقستان رەسپۋبليكاسىنىڭ زاڭناماسىنا سايكەس ايىپپۇل سانكسيالارىن، سالىقتاردى جانە باسقا دا تولەمدەردى قولدانۋ ءۇشىن ايلىق ەسەپتىك كورسەتكىش – 2917 تەڭگە مولشەرىندە بەلگىلەنەدى.

بازالىق الەۋمەتتىك تولەمدەردىڭ مولشەرلەرىن ەسەپتەۋ ءۇشىن ەڭ تومەن كۇنكورىس دەڭگەيىنىڭ شاماسى – 34 302 تەڭگە بولىپ بەكىتىلەدى.

جاسىنا بايلانىستى زەينەتاقى تولەمدەرىنە جانە ەڭبەك سىڭىرگەن جىلدارى ءۇشىن زەينەتاقى تولەمدەرىنە جۇمسالاتىن قاراجات 1 قاڭتاردان باستاپ ولاردىڭ مولشەرلەرىن 7 پايىزعا كوتەرۋ ەسكەرىلە وتىرىپ كوزدەلەدى.

سونداي-اق 1 قاڭتاردان الەۋمەتتىك مەديسينالىق ساقتاندىرۋ قورىنا تولەۋگە جاتاتىن مىندەتتى الەۋمەتتىك مەديسينالىق ساقتاندىرۋعا مەملەكەت جارنالارىنىڭ مولشەرى مەملەكەت جارنالارىن ەسەپتەۋ وبەكتىسىنەن 1،6 پايىز دەپ بەلگىلەنەدى.

بۇدان بولەك، اسكەري قىزمەتشىلەرگە (مەرزىمدى قىزمەتتەگى اسكەري قىزمەتشىلەردەن باسقا) جانە ارناۋلى مەملەكەتتىك جانە قۇقىق قورعاۋ ورگاندارىنىڭ، مەملەكەتتىك فەلدەگەرلىك قىزمەتتىڭ قىزمەتكەرلەرىنە تۇرعىنجايدى كۇتىپ-ۇستاۋعا جانە كوممۋنالدىق قىزمەتتەرگە اقى تولەۋگە اقشالاي وتەماقىنىڭ ايلىق مولشەرى 3 739 تەڭگە سوماسىندا بولادى.