سوقىر تيىن پايدا اكەلمەگەن كومپانيالاردى جابۋ كەرەك – قۇلاحمەتوۆ

/image/2020/12/23/113948309000.jpg

"قازاقستان حالىق پارتياسىنىڭ" وكىلى عازيز قۇلاحمەتوۆ سوقىر تيىن پايدا اكەلمەگەن ۇلتتىق كومپانيالاردى تۇبىمەن قۇرتىپ، الەۋمەتتىك ساقتاندىرۋ قورىن تاراتۋ كەرەك دەپ سانايدى.

قوعامنىڭ قوزعاۋشى كۇشى – حالىق. وعان وسى كۇنى بۇكىل پارمەندى شيكىزات سەكتورىنان اۋىل شارۋاشىلىعىنىڭ دامۋ پروسەستەرىنە، عىلىمنىڭ قايتا جاندانۋىنا، وزگە دە ءوندىرىس سالالارىن جەتىلدىرۋگە جۇمساعانىمىز ءجون بولادى. جالپى كۆازيمەملەكەتتىك سەكتورعا تولىق ريەۆيزيا جاسالۋ كەرەك. سوقىر تيىن پايدا اكەلمەگەن ۇلتتىق كومپانيالاردى تۇبىمەن قۇرتۋ كەرەك. ودان دا ول اقشانى وزەكتى ماسەلەگە جۇمسايىق.  الەۋمەتتىك ساقتاندىرۋ قورىن دا تاراتۋ كەرەك. ولارعا بولىنەتىن اقشانى پاندەميامەن كۇرەسكەن ماماندارعا، مەديسينا سالاسىنا جۇمساۋىمىز كەرەك. كوپشىلىككە سىرى اشىلا قويماعان سالالارعا جاستاردى جۇمىلدىرۋ كەرەك. سوعان قاراي بەيىمدەۋ كەرەك، – دەدى ول. 

ع.قۇلاحمەتوۆ اۋىلدى جەرلەردەگى ينتەرنەت ماسەلەسىن دە كوتەردى. ونىڭ ايتۋىنشا، ينتەرنەتتى قازاقتىڭ ءار اۋىلىنا جەتكىزەتىن مەزگىل كەلدى. وركەنيەتكە ءبىر قادام بولسا دا جاقىنداۋىمىز كەرەك. 

سوندىقتان، قازاقستان مىندەتتى تۇردە مودەرنيزاسياعا قاراي بەت بۇرعانى ءجون. تاريحي-مادەني قۇندىلىقتارىمىزعا، رۋحانياتىمىزعا ەشبىر ساياسي وزگەرىستەر ءقاۋىپ توندىرمەۋى كەرەك. ەرتەڭنىڭ قايىرى – بۇگىنگى كۇندە. سونى ۇمىتپايىق. سوندىقتان دا ءبىز حالىقپەن بىرگەمىز دەپ ايتقىم كەلەدى، – دەدى قۇلاحمەتوۆ. 

قاتىستى تەگتەر :

قاتىستى ماقالالار