بۇگىن «Nur Otan» پارتياسى قاراتال اۋداندىق فيليالىندا پارلامەنت ءماجىلىسىنىڭ دەپۋتاتتىعىنا ۇمىتكەر، اقىن، قازاقستاننىڭ «ءجۇز جاڭا ەسىمىنىڭ» ءبىرى - تاجماعامبەتوۆا ماقپال ماساق قىزى ىس-ساپارمەن جيىنعا كەلدى.
وتىرىستا سايلاۋالدى شتاب ءتوراعاسى تەڭەلبايەۆ جاندوس قاسقىربەك ۇلى، پارتيالىق تىزىمدەگى كانديدات قۇساينوۆ فارحات جانە «جاستار» رەسۋرستىق ورتالىعىنىڭ جەتەكشىسى راحمەتقازينوۆ نۇرجان نۇرلان ۇلى باس قوستى.
ورتاعا الىنعان ماسەلە ول ارينە، الدا كەلە جاتقان بۇكىلحالىقتىق سايلاۋ بولعاندىقتان، باستى نازار سول باعىتقا بۇرىلدى. مەملەكەتىمىزدىڭ وسىپ-وركەندەۋى ول ەڭ ءبىرىنشى جاستاردىڭ قولىندا ەكەندىگىن اتاپ ءوتىپ، ءوزىنىڭ سايلاۋالدى باعدارلاماسىن ۇسىنعان ماقپال ماساق قىزى ۇستىمىزدەگى جىلى كەلە جاتقان سايلاۋدا ءار قازاقستان رەسپۋبليكاسىنىڭ ازاماتى وزىنە جۇكتەلگەن مىندەت، ياعني داۋىس بەرۋدى ءوزىنىڭ مەملەكەت الدىنداعى بورىشى ەكەندىگىن ۇمىتپاۋىن باسا ايتتى.
- ءار ادام بالاسى قوعامنىڭ دامۋىنا وزىندىك ۇلەسىن قوسۋ كەرەك، ياعني كەز كەلگەن ءىستى ءوزىنىڭ قامى ءۇشىن ەمەس، حالىقتىڭ قامى ءۇشىن، بولاشاقتىڭ قامى ءۇشىن جاساسا، سوندا عانا ەلىمىز كوركەيىپ، مەملەكەتىمىز نىعايىپ، حالقىمىز قانات جايادى، - دەپ قايىردى.
فيليالدان شىققاننان كەيىن اۋداننىڭ قۇرمەتتى ازاماتشالارى كەمەل توقايەۆ اتىنداعى مەكتەپتىڭ قايىرىمدىلىق قورىنىڭ ءتورايىمى سپيريدونوۆا ۆالەنتينا گريگوريەۆنا مەن اۋداندىق ارداگەرلەر ءۇيى ءتوراعاسىنىڭ ورىنباسارى كايمۋلدينا شارا سادۋ قىزىنىڭ شاڭىراقتارىنا بارىپ، سايلاۋالدى باعدارلامالارىمەن تانىستىرىپ، ءوزىنىڭ تۇعىرناماسىنداعى ماڭىزدى جوبالارمەن ءبولىستى.
سونداي-اق سايلاۋشىلاردىڭ سۇراقتارىن، تىلەكتەرىن تىڭداپ، ۇسىنىستارىن نازارعا الدى.
«Nur Otan» پارتياسى الماتى وبلىسى قاراتال اۋدانى سايلاۋ قورى قاراجاتى ەسەبىنەن تولەندى
پىكىر قالدىرۋ