سونعى جىلدارى الەمدە كوپ وزگەرىستەر مەن تولقىنىستار بايقالۋدا. الەمدى سەلت ەتكىزگەن پاندەميا ەلىمىزگە دە وڭايعا سوققان جوق. ايتسە دە، پارتيامىز جۇمىس ورنىن ساقتاپ قالۋ، وسال توپتارعا كومەك كورسەتۋ سياقتى ەلىمىزدى قىسپاقتان الىپ شىعۋ جولدارىن ۇيىمداستىرۋدا. بۇل رەتتە مەدەسينا قىزمەتكەرلەرى مەن پەداگوگتار جۇمىستارىنىڭ رەجيمى وزگەرۋىنە قاراماستان باتىل قادام جاساعانىن بايقادىق. بۇل نەنى كورسەتەدى؟ تاۋەلسىزدىگىنە ەندى عانا 30 جىل تولاتىن جاس مەملەكەتىمىزدىڭ الەۋەتىن كورسەتەدى. سان عاسىرلىق تاريحى بار ەجەلگى ەۋروپا ەلدەرىنىڭ ءوزى بۇل ىندەت الدىندا دارمەنسىزدىگىن تانىتتى. ال، قازاقستان دۇرىس ۇيىمداسىتىرلعان جۇمىستىڭ ارقاسىندا ادام شىعىنىن ازايتىپ، ازماتتارىنىڭ دەنساۋلىعىن قورعاي ءبىلدى. ءارى، covid-پەن كۇرەسە ءجۇرىپ، جىگەرىمىزدى شىڭدادىق، بىرلىگىمىزدى تانىتتىق.  ءبىر جەڭنەن قول، ءبىر جاعادان باس شىعارا بىلدىك. بۇل بىرلىك – ءبىز ءۇشىن التىنعا پارا-پار! الداعى ساياسي ناۋقاندا دا سول بىرلىكتەن جاڭىلماساق ەكەن دەپ تىلەيمىن!

تۇتاستاي مەملەكەتىمىزدىڭ الداعى بەس جىلدا دامۋى – «Nur Otan» پارتياسىنىڭ سايلاۋالدى باعدارلاماسىنىڭ باسىم باعىتتارىمەن تۇسپا تۇس كەلىپ وتىرعانى دا تەگىن ەمەس. ياعني، ءبىزدىڭ پارتيا – ەلدىڭ پارتياسى! پارتيامىزدىڭ بەس جىلدىق باعدارلاماسىندا دامۋدىڭ تەندەنسياسىن توقتاتپاي حالقىمىزدىڭ ءومىر ءسۇرۋ دەڭگەيىن جاقسارتۋدى كوزدەيدى. «Nur Otan» پارتياسى ەلىمىزدىڭ ەرتەڭى ءۇشىن ۇلكەن وزگەرىستەرگە قادام جاساعالى تۇر. ماڭگىلىك ەل بولۋ ءۇشىن، الەم ارەناسىندا قازاقستاننىڭ قاسقايىپ تۇرۋىنا ەلىمىزدىڭ ءبىرتۇتاستىعى قاجەت. سوندىقتان بىزبەن بىرگە بولىپ، «Nur Otan» پارتياسىنا داۋىس بەرۋلەرىڭىزدى سۇرايمىن!