«Nur Otan» وڭىرلەردە حالىقپەن كەزدەسۋلەردى جالعاستىرۋدا. بۇگىن رەسپۋبليكالىق سايلاۋالدى شتاب مۇشەلەرى اتىراۋ وبلىسىنا باردى.
اتىراۋ مۇناي وڭدەۋ زاۋىتىنىڭ جۇمىسشىلارىمەن كەزدەسۋ بارىسىندا ەكولوگيا، جۇمىسپەن قامتۋ، الەۋمەتتىك ينفراقۇرىلىمدى جاڭارتۋ جانە ت.ب. ماسەلەلەر تالقىلاندى.
پارتيا الداعى 5 جىلدا وڭىردە كەمىندە 100 مىڭ جۇمىس ورنىن اشۋعا، 10 جاڭا دەنساۋلىق ساقتاۋ نىسانىن، 11 مەكتەپ پەن 56 بالاباقشا سالۋعا ۋادە بەرەدى. سونداي-اق، الەۋمەتتىك مۇقتاج ازاماتتارعا 7 مىڭ پاتەر بەرىلمەك، ول ءۇشىن شامامەن 3،5 ملن. شارشى مەتر تۇرعىن ءۇي سالۋ جوسپارلانۋدا.
ءوڭىر تۇرعىندارى ءۇشىن تاعى ءبىر ماڭىزدى ماسەلە – ەكولوگيا. بۇل رەتتە «Nur Otan» لاستاۋشى شىعارىندىلار كولەمىن 12%-كە تومەندەتۋ ءۇشىن ءبىرقاتار ءىرى ونەركاسىپتىك كاسىپورىنداردى جاڭعىرتۋ مىندەتىن قويىپ وتىر.
بۇدان سوڭ سايلاۋالدى شتاب مۇشەلەرى قوعامدىق ۇيىم وكىلدەرىمەن، پاراليمپيادالىقتارمەن جانە باسقا دا ەرەكشە قاجەتتىلىگى بار بەلسەندى ازاماتتارمەن كەزدەستى.
«وزدەرىڭىز بىلەتىندەي، ەلباسى پارتيا ءتوراعاسى نۇرسۇلتان نازاربايەۆتىڭ تاپسىرماسىمەن «Nur Otan» پارتياسى 2014 جىلدان بەرى «كەدەرگىسىز كەلەشەك» جوباسىن جۇزەگە اسىرىپ كەلەدى. وسى جوبانىڭ ارقاسىندا ەرەكشە قاجەتتىلىگى بار 40 مىڭ ازامات جۇمىسقا ورنالاسىپ، 24 مىڭنان استام نىسان قايتا بەيىمدەلدى، سونداي-اق جالپى ءبىلىم بەرەتىن مەكتەپتەردە ينكليۋزيانى قولداۋدىڭ 43 بولمەسى اشىلدى. تاياۋداعى 5 جىلدا ەرەكشە قاجەتتىلىگى بار ادامدار ءۇشىن تاعى 22 مىڭ الەۋمەتتىك ينفراقۇرىلىم نىسانىن بەيىمدەۋ جۇمىستارى جالعاسىن تابادى»، - دەپ اتاپ ءوتتى رەسپۋبليكالىق سايلاۋالدى شتاب جەتەكشىسى باۋىرجان بايبەك.
سونداي-اق، ونىڭ ايتۋىنشا، ەرەكشە قاجەتتىلىگى بار ادامداردى جۇمىسقا ورنالاستىرۋ، قوعامدا ىنتىماقتاستىق احۋال قالىپتاستىرۋ بويىنشا جۇمىستار جالعاسادى. جۇمىسقا ورنالاستىرۋ، پسيحولوگيالىق جانە قۇقىقتىق كومەك كورسەتۋ ماسەلەلەرى جونىندەگى ورتالىقتار اشۋ جوسپارلانۋدا. جۇمىسقا ورنالاستىرۋ كۆوتاسىن ورىندامايتىن جۇمىس بەرۋشىلەر ءۇشىن وتەماقى تولەمدەرى ەنگىزىلەدى، ول ەرەكشە قاجەتتىلىگى بار ادامدار ءۇشىن جۇمىس ورىندارىن قۇرۋعا باعىتتالادى.
تۇراقتى كۇتىمدى قاجەت ەتەتىن جانە جەكە كومەكشىنىڭ قىزمەتىن پايدالانبايتىن بارلىق ءبىرىنشى توپتاعى مۇگەدەك ازاماتتارعا قوسىمشا الەۋمەتتىك جاردەماقى ۇسىنىلادى. بۇل رەتتە 2025 جىلعا قاراي مۇگەدەكتىگى بار مۇقتاج ازاماتتار 100% تەحنيكالىق قۇرالدارمەن جانە وڭالتۋ قىزمەتىمەن قامتاماسىز ەتىلەدى.
«بارشا بالاعا – تەڭ مۇمكىندىك» قاعيداتىن ىسكە اسىرا وتىرىپ، ءبىزدىڭ پارتيا بارلىق كوللەدج بەن جوعارى وقۋ ورىندارىندا، سونداي-اق 70% مەكتەپتەر مەن مەكتەپكە دەيىنگى ۇيىمداردا ينكليۋزيۆتىك ءبىلىم بەرۋدىڭ ەنگىزىلۋىن قامتاماسىز ەتەدى. وڭالتۋ ورتالىقتارىنىڭ سانى ارتىپ، ەرەكشە قاجەتتىلىگى بار بالالاردى پسيحولوگيالىق-پەداگوگيكالىق جانە كوررەكسيالىق قولداۋ بويىنشا مەملەكەتتىك تاپسىرىس ەنگىزىلەدى. اسىراۋشىسىنان ايرىلعان بالالار ءبىر مەزگىلدە مۇگەدەكتىگى جانە اسىراۋشىسىنان ايرىلۋى بويىنشا 2 جاردەماقى الادى»، - دەدى ول.
بيلەۋشى پارتيانىڭ جوسپارىندا زاعيپ جانە كورۋ قابىلەتى ناشار جاندار ءۇشىن كىتاپحانا قورىن كەڭەيتۋ، ونىڭ ىشىندە مەملەكەتتىك تىلدەگى ادەبيەتتەردى كوبەيتۋ، ىمداۋ ءتىلىن ونلاين-اۋدارۋ بويىنشا ارنايى باعدارلامالارعا قولجەتىمدىلىكتى قامتاماسىز ەتۋ دە بار.
وسى كۇنى نۇروتاندىقتار تاعى دا ءبىرقاتار كەزدەسۋلەر وتكىزدى، ونىڭ ىشىندە «Atyrau-Avtopark» اۆتوبۋس پاركىنىڭ جۇرگىزۋشىلەرىمەن جۇزدەستى. وزەكتى تاقىرىپتار بويىنشا ەمىن-ەركىن سۇحبات قۇرىپ، «Nur Otan»-نىڭ ءوڭىر مەن قالادا ءومىر ساپاسىن جاقسارتۋ جونىندەگى باستامالارى تۋرالى اڭگىمە ءوربىدى.
«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى
پىكىر قالدىرۋ