كەلەسى جىلدىڭ 10 قاڭتار كۇنى وتەتىن پارلامەنت ءماجىلىسى دەپۋتاتتارىنىڭ جانە ءماسليحاتتاردىڭ كەزەكتى سايلاۋىنا وراي «Nur Otan» پارتياسىنىڭ قورداي اۋداندىق سايلاۋالدى شتابىنىڭ مۇشەلەرى ۇگىت-ناسيحات جۇمىستارىن جالعاستىرۋدا.

سارسەنبى كۇنى «Nur Otan» پارتياسىنىڭ قورداي اۋداندىق سايلاۋالدى شتابى ءتورايىمىنىڭ ورىنباسارى رۋسلان نۇرسيپاتوۆ جانە وبلىستىق جانە اۋداندىق دەپۋتاتتىققا ۇمىتكەرلەر لۋگمار بۋلاروۆ، زاۋرەش قادىربەكوۆا نۋردين سادىقوۆ، سالامات كوپەشوۆ، تانيا اپايەۆا، راۆيل جاتقانباي، ايشا يدىبو جانە نازيرا توقتىبايەۆالار ۇگىت-ناسيحات جۇمىستارىمەن ماسانشى اۋىلىندا بولىپ، مادەنيەت ۇيىندە تۇرعىندارمەن كەزدەستى.

شتاب ءتورايىمىنىڭ ورىنباسارى رۋسلان مارات ۇلى اۋىل تۇرعىندارىنا پارتيانىڭ «قازاقستان 2021: بىرلىك. تۇراقتىلىق. جاسامپازدىق» اتتى سايلاۋالدى باعدارلاماسىن جۇزەگە اسىرۋ بويىنشا قورداي اۋدانىندا 2015-2019 جىلدارداعى اتقارىلعان جۇمىستارعا قىسقاشا توقتالدى.

بىلتىر قورداي اۋدانى تۇرعىندارىنىڭ 30 پايىزى عانا تابيعي گاز تۇتىنىپ كەلسە، بيىلعى گازداندىرۋ جوباسىنىڭ ارقاسىندا قوردايلىقتاردىڭ 95 پايىزى «كوگىلدىر وتىنعا» قول جەتكىزەتىن بولادى. ياعني تابيعي گازعا دەگەن قولجەتىمدىلىك ءۇش ەسەگە ارتىپ وتىر دەگەن ءسوز. «كوگىلدىر وتىن» يگىلىگىن ماسانشى اۋىلىنىڭ تۇرعىندارى دا سەزىنىپ، بۇل جاڭالىققا قۋانىپ جاتىر. «كۇن سۋىسىمەن قولعا بالتا-كۇرەك الىپ، كومىر جاققاننان بۇل الدەقايدا تيىمدىرەك»، دەيدى ماسانشىلىقتار.

جالپى، ماسانشىدا بيىل جاعىمدى جاڭالىق كوپ بولدى. اۋىل كوشەلەرى تۇگەلدەي دەرلىك اسفالتتالىپ، جاڭا جارىق شامدار ورناتىلدى. بيىل «Samruk-Kazyna Trust» ۇق دەمەۋشىلىگىمەن ماسانچي اۋىلىندا قۇنى 57 ملن تەڭگەنى قۇرايتىن ستريتۆوركاۋت، كىشى فۋتبول جانە بالالار ويىن الاڭى سالىندى.

سونىمەن قاتار، جاقىندا جاڭا اللەيا اشىلىپ، تۇرعىنداردىڭ قىدىراتىن سۇيىكتى ورنىنا اينالدى. ماسانشىداعى مەكتەپ قۇرىلىسىنا «وڭىرلەردى دامىتۋ» باعدارلاماسى اياسىندا 1،2 ملرد تگ قارجى بولىنگەن. سىيىمدىلىعى 600 ورىندىق. بۇگىندە قۇرىلىس جۇمىستارى قارقىن الىپ، قابىرعالارى كوتەرىلىپ، شاتىرىن جابۋ قولعا الىنعان.

بيىلعى اقپان ايىندا ورىن العان كەلەڭسىز وقيعادان كەيىن، بارلىق زارداپ شەككەن عيماراتتار تولىعىمەن جاڭارتىلدى. وسىنداي اۋقىمدى جۇمىستاردىڭ قىسقا مەرزىمدە ورىندالعانىنا ماسانشى اۋىلىنىڭ تۇرعىندارى ءدان ريزا. جيىندا ولار وزدەرىنىڭ العىستارىن ايتىپ، «Nur Otan» پارتياسىن قولدايتىندارىن جەتكىزدى.

كەزدەسۋدە اۋداندى كەشەندى دامىتۋعا باعىتتالعان پارتيانىڭ 2025 جىلعا دەيىنگى سايلاۋالدى باعدارلاماسى دا جان-جاقتى ناسيحاتتالدى.

وسىدان كەيىن ۇمىتكەرلەر «حالىق» دۇكەنىنىڭ الدىندا ەكسپرومت كەزدەسۋ ۇيىمداستىرىپ، ماسانشى اۋىلدىق وكرۋگىنە قاراستى كۇنباتىس-1 جانە كۇنباتىس-2 اۋىلدارىندا «ەسىكتەن ەسىككە» اكسياسى اياسىندا ۇگىت-ناسيحات جۇمىسىن جۇرگىزدى.

«Nur Otan» پارتياسىنىڭ قورداي اۋداندىق سايلاۋالدى شتابىنان تولەنگەن