نۇر-سۇلتان قالاسىندا قاتىگەز انا بالالارىن ايتقانىن ىستەتە الماعانى ءۇشىن اياۋسىز جازالاعان. ساباپ، دالىزگە قوندىرىپ، ءۇي كيىممەن قالادا وتىرعىزىپ قويعان. بۇل تۋرالى كورشىسىمىن دەگەن ايەل ءوزىنىڭ Instagram پاراقشاسىندا ءمالىم ەتتى.
"18-19 جەلتوقساندا قىز (سۋرەتتەگى - رەد) دالىزدە قوندى. بۇل – ايتقانىن ىستەتە الماعانى نەمەسە سىپىرتقى جوعالعانى ءۇشىن اناسى قىزىن جازالاعان ءتۇرى. مەن قىزدى ۇيىمە شاقىرىپ، ول مەنىكىندە قوندى. اناسىنا ەگەر بۇلاي جالعاسا بەرسە، قامقورلىق ورگاندارىن شاقىراتىنىمدى ايتتىم. بۇگىن، 23 جەلتوقساندا بالالارى زاتتى رۇقساتسىز العانىنا بولا اناسى 5-6 جاستاعى ۇلىنىڭ باسىن قابىرعاعا ۇرىپ، تەپكەنىن سوزبەن ايتىپ جەتكىزە المايمىن. 7-8 جاستاعى قىزعا ودان اسقان سوراقىلىقتى كورسەتكەن. ول دالادا وتىردى. مەن قول قۋسىرىپ وتىرا الماي، ولاردى ۇيىمە شاقىردىم. ۇلكەندەردىڭ بۇلاي جاساۋى سۇمدىق قوي. مەن كورگەن سۇمدىقتان الىگە دەيىن وزىمە كەلە الار ەمەسپىن. ايتارعا ءسوزىم جوق. پوليسيا شاقىرعانىمدا ونى (قاتىگەز انانى - رەد) ازىرگە ەسەپكە المايتىنىن ايتتى. وعان جاي عانا ەسكەرتۋ جاسادى. كەرەك ادامداردى بەلگىلەۋلەرىڭىزدى سۇرايمىن. بۇل جايت نۇر-سۇلتان قالاسى رەسپۋبليكا داڭعىلىندا بولدى" دەلىنگەن ءزابىر كورگەن بالالار كورشىسىنىڭ جازباسىندا.
♦ قىزىن ۇيدەن قۋىپ شىققان ايەلدىڭ ارەكەتىنە بايلانىستى پوليسيا مالىمدەمە جاسادى
پوسموترەت ەتۋ پۋبليكاسيۋ ۆ Instagram
پىكىر قالدىرۋ