پرەزيدەنت تاپسىرماسى شەڭبەرىندە 2021 جىلدىڭ 1 قاڭتارىنان باستاپ پەداگوگتەردىڭ جالاقىسى 25%-عا وسەدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ايتتى.

– 2020 جىلعى 1 قىركۇيەكتەن باستاپ مەملەكەتتىك جوعارى وقۋ ورىندارى وقىتۋشىلارىنىڭ جالاقىسى تاعى 20%-عا، ۇلتتىق جوو وقىتۋشىلارىنىڭ جالاقىسى 28%-عا ۇلعايدى. جۇمىسشى ماماندىقتارى بويىنشا وقيتىن كوللەدج ستۋدەنتتەرىنىڭ ستيپەندياسى 30%-عا، ورتا بۋىن ماماندىقتارى بويىنشا 25%-عا ءوستى، – دەيدى ول.

سونداي-اق مينيستر باكالاۆريات ستۋدەنتتەرىنىڭ شاكىرتاقىسى مەن ماگيستراتۋرا بويىنشا ستيپەنديا 25% وسەتىنىن مالىمدەدى.

– پەداگوگيكالىق ماماندىقتار بويىنشا وقيتىن ستۋدەنتتەردىڭ شاكىرتاقىسى ءبىر جىلدىڭ ىشىندە 21 مىڭنان 42 000 تەڭگەگە دەيىن ۇلعايدى. دوكتورانتتاردىڭ شاكىرتاقىسى ءبىر جىلدىڭ ىشىندە 82 مىڭ تەڭگەدەن 150 000 تەڭگەگە دەيىن ۇلعايتىلدى، – دەپ اتاپ ءوتتى ايماعامبەتوۆ.