نۇر-سۇلتان قالاسى جانە قاراعاندى، اقتوبە، قوستاناي، ماڭعىستاۋ وبلىستارىندا كارانتيندىك شەكتەۋ شارالارى كۇشەيتىلدى. بۇل تۋرالى وبلىستاردىڭ باس سانيتار دارىگەرلەرى مالىمدەدى.
نۇر-سۇلتان قالاسىنىڭ باس سانيتار دارىگەرى ج.پرالييەۆا كارانتيندىك شەكتەۋلەرگە قاتىستى جاڭا قاۋلى شىعاردى.
25 جەلتوقساننان باستاپ سۋپەرماركەتتەر مەن گيپەرماركەتتەرگە تاۋلىك بويى جۇمىس ىستەۋىنە رۇقسات بەرىلەدى.
قاۋلىعا سايكەس 26 جەلتوقساننان باستاپ:
- ورىندار سانىن 30%-دان اسىرماي، كورەرمەندەردى ەكى ورىن سايىن جانە قاتار بويىنشا شاحمات تارتىبىمەن وتىرعىزۋ ارقىلى، كۇشەيتىلگەن سانيتارلىق-ەپيدەميولوگيالىق نورمالاردى ساقتاي وتىرىپ كينوتەاترلاردىڭ جۇمىس ىستەۋىنە رۇقسات ەتىلەدى.
- كينوتەاترلار جۇمىس، دەمالىس جانە مەرەكە كۇندەرى ساعات 10:00-دەن 24:00-گە دەيىن جۇمىس ىستەيدى، اكسيالار وتكىزىلمەيدى.
ەگەر كارانتين جانە شەكتەۋ شارالارىن بۇزۋ فاكتىسى انىقتالسا، كينوتەاترلاردىڭ جۇمىسى توقتاتىلادى.
- مەرەكە قارساڭىندا مەيرامحانالاردىڭ، كافەلەردىڭ، بارلاردىڭ، اسحانالاردىڭ جۇمىس ۋاقىتى ۇلكەن كەزەكتەر تۋىنداۋىنا جول بەرمەۋ ماقساتىندا ساعات 24:00-گە دەيىن ۇزارتىلادى.
بۇل رەتتە عيمارات ىشىندە 30 ورىننان ارتىق بولماۋى، سانيتارلىق-ەپيدەميولوگيالىق، سانيتارلىق-پروفيلاكتيكالىق شارالار ساقتالۋى، ۇستەلدەر اراسىندا كەمىندە 2 مەتر الەۋمەتتىك اراقاشىقتىق ساقتالۋى، ءار ۇستەلگە 4-6 ادامنان ارتىق وتىرعىزىلماۋى قاداعالانۋى كەرەك.
- ويىن-ساۋىق، سپورتتىق جانە باسقا دا بۇقارالىق ءىس-شارالاردى، ونىڭ ىشىندە جاڭا جىلدىق ەرتەڭگىلىكتەردى، كورپوراتيۆتەردى جانە تويلاۋعا ارنالعان باسقا دا ورىنداردا وتكىزۋگە تىيىم سالىندى.
كارانتين جانە شەكتەۋ شارالارى بۇزىلعان جاعدايدا نىسانداردىڭ قىزمەتى توقتاتىلادى.
قاراعاندى وبلىسىنىڭ باس سانيتار دارىگەرى يۋريي زالىگين 2020 جىلعى 17 قازانداعى N39 قاۋلىسىنا وزگەرىستەر ەنگىزدى.
قاۋلىعا سايكەس:
- بۇقارالىق ءىس-شارالاردى (مادەني، ويىن-ساۋىق، كونفەرەنسيا، سەمينار، فورۋم، كورمەلەر سونداي-اق وتباسىلىق ءىس-شارالار ت.ب) وتكىزۋگە تىيىم سالىنادى؛
- ساۋدا ويىن-ورتالىقتارى جانە قوعامدىق تاماقتانۋ ورىندارىندا ادام سانى 50-دەن اسپاي، 1 كەلۋشىگە 4 ش.م ساقتاۋى ءتيىس؛
- قوعامدىق تاماقتانۋ وبەكتىلەرىنىڭ تاماقتى جەتكىزۋ مەن الىپ كەتۋ بويىنشا جۇمىس ىستەۋىنە ۋاقىت شەكتەۋىنسىز رۇقسات ەتىلەدى؛
قاۋلى 2020 جىلعى 25 جەلتوقسان ساعات 00:00-دەن باستاپ كۇشىنە ەنەدى.
اقتوبە وبلىسىنىڭ باس سانيتار دارىگەرى ن. ا. بەركىمبايەۆانىڭ كارانتين شارالارىنا قاتىستى جاڭا قاۋلىسى 2020 جىلدىڭ 24 جەلتوقسانىنان باستاپ كۇشىنە ەنەدى.
قاۋلى بويىنشا:
- الەۋمەتتىك قاشىقتىقتى، ماسكا رەجيمىن ساقتاي وتىرىپ، اشىق اۋاداعى مۇز ايدىنداردىڭ جۇمىس ىستەۋىنە رۇقسات بەرىلەدى؛
- ونەركاسىپتىك جانە بارلىق قىزمەت تۇرلەرىندەگى وندىرىستىك كاسىپورىنداردىڭ جۇمىسىنا، ونىڭ ىشىندە ۆاحتالىق ادىسپەن جۇمىس ىستەيتىندەر، اشىق اۋاداعى قۇرىلىس جۇمىستارىنىڭ، اۋىل جانە بالىق شارۋاشىلىعىنىڭ، مال شارۋاشىلىعىنىڭ قىزمەتى ىشكى تارتىبىنە سايكەس رۇقسات ەتىلەدى؛
- ازىق-تۇلىك دۇكەندەرى، شاعىن ماركەتتەر، سۋپەرماركەتتەر، گيپەرماركەتتەردىڭ قىزمەتىنە رۇقسات ەتىلەدى؛
- جەتكىزۋ بويىنشا قىزمەتتەر كورسەتۋگە رۇقسات ەتىلەدى.
قوستاناي وبلىسىنىڭ باس سانيتار دارىگەرى ۆ. نەچيتايلو كارانتين تالاپتارىنا ءبىرقاتار وزگەرىستەر ەنگىزدى.
"دءىني وبەكتىلەردىڭ (مەشىتتەر، شىركەۋلەر، سوبورلار، سيناگوگالار جانە ت. ب.) قىزمەتىنە جەكە-جەكە، ءبىر ادامعا كەمىندە 4 ش.م. ەسەبىنەن، ۇجىمدىق ءىس-شارالار وتكىزبەي، 30%-دان اسپايتىن تولتىرۋمەن جانە ولاردا ورنالاسقان قوعامدىق تاماقتانۋ وبەكتىلەرىنىڭ جۇمىسىنا تىيىم سالۋمەن، ق ر بمسد №57 قاۋلىسىنىڭ تالاپتارىن ساقتاي وتىرىپ رۇقسات بەرىلەدى" دەلىنگەن قاۋلىدا.
وسى قاۋلى 2020 جىلدىڭ 25 جەلتوقسانى ساعات 00:00-دەن 2021 جىلدىڭ 06 قاڭتارى ساعات 24:00-گە دەيىن قولدانىلادى.
سونداي-اق ماڭعىستاۋ وبلىسىنىڭ باس سانيتار دارىگەرى گ.نادۋيەۆ كوروناۆيرۋس ينفەكسياسىنىڭ الدىن الۋ تۋرالى قاۋلىسىنا كەلەسىدەي تولىقتىرۋلار مەن وزگەرىستەر ەنگىزدى:
- كونفەرەنسيالار، كورمەلەر، فورۋمدار، ويىن-ساۋىق، سونداي-اق ادامدار كوپ جينالاتىن وتباسىلىق، سالتاناتتى، ەستەلىك جانە باسقا دا ءىس-شارالاردى وتكىزۋگە تىيىم سالىنادى؛
- كينوتەاترلار 10:00-دەن 22:00-گە دەيىن تولىمدىلىعى 30%-دان اسپاي جۇمىس ىستەۋگە ءتيىس؛
- ساۋدا وبەكتىلەرى 10:00-دەن 22:00-گە دەيىن جۇمىس ىستەۋىنە رۇقسات ەتىلەدى؛
- شتاتتا 30-دان استام قىزمەتكەر بولعان جاعدايدا قىزمەتكەرلەردىڭ 70%-ى قاشىقتان جۇمىس ىستەۋ رەجيمىنە اۋىستىرىلادى.
پىكىر قالدىرۋ